Aparcar nas cidades é unha tarefa complicada.
ConPlaza é unha aplicación para o móbil que axuda ás persoas a encontrar aparcamento.
O sistema, creado por un mozo pontevedrés, pon en contacto aos usuarios que pactan un prezo para alugar prazas de aparcamento por horas ou días.
Hai xa máis dun cento de persoas rexistradas en Pontevedra. O servizo, que xa está a funcionar noutras cidades, prepárase para chegar aos chamados "leira parking" das praias na tempada de verán.
O arquitecto responsable da polémica reforma do Hostal dos Reis Católicos rompe o seu silencio e defende os tubos metálicos que atravesan as gárgolas. Di que é a mellor solución para protexer o edificio da auga da chuvia. "A mellor solución é necesariamente a menos mala".
Nunha conferencia organizada polo Colexio de Arquitectos de Galicia, respondeu ás críticas que leva meses recibindo e desmontou unha a unha tódalas alternativas posibles. Cre que as gárgolas teñen que manter a súa función orixinal.
O Sergas arranca a campaña de doazón de sangue de cara ás necesidades de verán. O obxectivo, conseguir 400 doazóns por día. O conselleiro de Sanidade asegura que non se pecharán camas hospitalarias no período estival e que se cubrirán as necesidades de atención médica.
No día internacional dos arquivos, visitamos o da catedral de Santiago de Compostela, con xornada de portas abertas e visitas guiadas. As actividades inclúen acceso a depósitos normalmente restrinxidos, e una exposición especial do Códice Calixtino.
A primeira e única cátedra do pan e do cereal de España está en Galicia. Financiada pola Universidade de Santiago de Compostela, máis de 20 investigadores participan no estudo deste alimento esencial. O foco póñeno no pan galego elaborado de forma tradicional.
Son enfermidades pouco coñecidas, difíciles de diagnosticar e que poden condicionar gravemente a vida de quen as padece. As síndromes compresivas vasculares afectan, sobre todo, a mulleres novas e soen convivir con outras patoloxías. Doentes e especialistas reivindican un maior compromiso investigador para mellorar a calidade de vida dos afectados.
Colectivos ambientalistas celebran o Día dos océanos cunha limpeza na praia de Riazor, na Coruña, e coa mensaxe de non contaminar a fonte de vida que son os oceános. A Consellería de Medio Ambiente súmase á proposta e pide conciencia para non contaminar o mar, que baña dous mil cincocentos quilómetros de costa en Galicia
Quen queira coñecer Galicia sen utilizar o coche, pode facelo viaxando nos trens turísticos que percorren o territorio de xuño a outubro. Este programa ofrece trece rutas nas que se combina a viaxe en tren con itinerarios guiados para coñecer o noso patrimonio, a nosa gastronomía e os nosos viños.
Procedentes das illas do Pacífico, máis de 200 pezas da colección do Museo Británico, chegan a Santiago para abraiarnos coa riqueza e a creatividade das culturas de Oceanía. Ata finais de novembro, o Museo Centro Gaiás mergúllase nun océano repleto de vida, xentes e conexión.
O xoves de Corpus Christi non se entende en Redondela sen a tradicional Festa da Coca. O traslado da virxe A Gabacha, a gran protectora dos veciños, acompañada pola danza das espadas nunha vila chea de alfombras florais.
En Baiona, toma forma o mural máis grande de España. A artista Lula Goce, natural desta localidade e con obras en todo o mundo, leva semanas traballando sobre o muro do espigón nunha obra de 1.400 metros cadrados e case medio quilómetro de longo na que busca reflectir a alma mariñeira da vila.
Accidente dun camión con preto de 200 porcos na estrada 525 á altura do concello de Sandiás. O vehículo envorcou e os animais tiveron que ser rescatados coa participación de equipos de bombeiros. O condutor só sufriu feridas leves.
Segunda xornada na Audiencia Provincial da Coruña do xuízo con xurado popular polo asasinato de Yoel Quispe na madrugada da Noiteboa de 2023. O mozo, de 22 anos, volvía á casa despois dunha noite de festa e foi mortalmente acoitelado. Foto EFE/Cabalar
O exame de lingua castelá e literatura foi o primeiro ó que se enfrontaron os máis de 13.000 estudantes que comezaron hoxe as probas de acceso á universidade. Tocáronlles preguntas sobre a xeración do 98 e Antonio Machado, e tiveron que facer un comentario de texto sobre o último disco de Rosalía.
Do resultado da PAU depende, en gran medida, que poidan estudar a carreira que queren. Así que hoxe respíranse moitos nervios nos 36 centros onde se examina o alumnado. As notas publicaranse o xoves que vén. A nota de corte máis alta de Galicia a ten o dobre grao en matemáticas e física.
Arranca na Audiencia Provincial da Coruña o xuízo con xurado popular polo asasinato de Yoel Quispe na madrugada da Noiteboa do 2023. O mozo, de 22 anos, regresaba á casa despois dunha noite de festa e foi mortalmente acoitelado nunha liorta.
No banco dos acusados sentan tres persoas. A Fiscalía pide 14 anos de cadea para o presunto autor do homicidio, que está actualmente en pisión provisional tras recoñecer que foi quen apuñalou á vítima. Os outros dous acusados son considerados cooperador necesario e cómplice.
Campaña da asociación de gandeiros Agromuralla para informar dos beneficios do leite. Un dos obxetivos dos produtores é desterrar bulos sobre este alimento, que contribúe a unha dieta saludable. No seu día mundial, decidiron repartir botellas de leite e derivados do leite na feira de Betanzos.
Ademáis de ser beneficioso para a saúde, o leite é fundamental para a economía de Galicia. Contamos con máis da metade das granxas lácteas de España, arredor de 5.000. Delas sae máis do corenta por cento da producción total de leite do noso país.
Conta atrás para os máis de 13.000 galegos que se enfrontan este ano á PAU. Faltan menos de 24 horas para que arranquen as probas de acceso á universidade e nas bibliotecas respíranse moitos nervios. En Galicia o alumnado repartirase en 36 centros en A Coruña, Santiago, Ferrol, Lugo, Ourense, Vigo e Pontevedra. E, como en anos anteriores, haberá equipos de detección de radiofrecuencia para evitar trampas.
O primeiro exame será o de lingua castelá e literatura. Nos repasos de última hora cada vez hai máis estudantes que utilizan a intelixencia artificial. Hai quen lle pide a ChatGPT que lle faga simulacros de exame ou que lle axude a resumir os apuntes.
Na conta atrás para os exames da PAU as bibliotecas están cheas de estudantes.
A primeira hora da mañá xa hai xente esperando para entrar e coller sitio.
Nótase tamén a afluencia nas cafeterías póximas e copisterías.
A Universidade de Santiago conta cun sistema que avisa de postos libre.
O Centro Galego nace nos anos 50, do pasado século, logo de reunirse uns 400 galegos residentes nas Palmas.
Un lugar de encontro no que se respira galeguidade.
Teñen grupos folclóricos, biblioteca con libros galegos e celebran festas como a do Samaín.
Achegan á cultura galega aos veciños das illas.
Helicópteros do Exército do Aire.
A Brilat de Pontevedra ensina as súas habilidades para desactivar explosivos ou un espectáculo dos cabalos da Guardia Real.
Actividades que se celebran en VIgo durante a semana das Forzas Armadas.
O alumnado do IES Sánchez Cantón de Pontevedra participa no programa Educar en Xustiza que impulsa o TSXG
Preténdese achegar á xustiza aos máis novos.
Neste xuízo, simulado, a vítima é unha muller acosada.
O estudantado pode facer preguntas ou mesmo vestir a toga.
Deportistas dos cinco continentes están na cidade do Lérez para participar na Copa do Mundo.
Seleccións de 30 países cunhas 450 persoas desprazadas xa se encontran en Pontevedra.
Entre as "sireas" do equipo español está a pontevedresa Daniela Suárez.
A selección española está a espertar expectación coa súa coreografía inspirada no Berghain de Rosalía.
Arredor de cinco mil pequenos comercios de Galicia están adheridos a esta iniciativa.
A Consellería de Comercio destina ao Bono Comercio dous millóns e medio de euros.
Supón un desconto de ata 30 euros por cliente solicitante do bono.
A campaña remata a finais de ano pero normalmente en cuestión de días os fondos asignados esgótanse.
No centro de educación especial do Pino en Ourense celebran un microconcerto para promover os beneficios da música en directo en persoas con discapacidades psíquicas ou sensoriais.
É a segunda vez que o profesorado do centro sorprende ao alumnado con esta actividade.
O concerto remata cos participantes tocando diferentes instrumentos de percusión en formando un tren musical para favorecer a integración do grupo.
Trátase dun programa da obra social de Abanca que se ofreceu este curso en 24 centros de toda Galicia.
A inestabilidade meteorolíxica do primeiro trimestre demorou a sementeira do pemento de Herbón.
Agardan que se poida recoller nun par de semanas.
Os "mal chamados" pementos de Padrón son moi valorados polos amantes deste producto.
Este ano agardan que a bolsa de 400 gramos chegue a alcanzar os 8 euros.
A súa autenticidade está avalada por séculos de tradición e historia.
A primeira semente foi traída de América polos monxes franciscanos
No paseo do Parrote da Coruña uns mergulladores sacan do fondo algas.
Unha vez recollidas e analizadas, dependendo da calidade, destínanse para alimentacion ou a agricultura.
Ademais de na costa tamén as apañan en plataformas de cultivo.
O uso das algas na gastronomía está en constante crecemento.
Segunda xornada de folga na recollida de lixo en Vigo.
Sindicatos e empresa concesionaria non chegan a un acordo no marco da negociación do convenio.
As posturas están distanciadas sobre todo no que respecta as xubilacións anticipadas e a suba salarial.
Piden a mediación do Concello.
A folga coincide coa semana do Día das Forzas Armadas que se celebra na cidade.
As obras de retranqueo na viguesa praia de Samil lograron recuperar 5.000 metros cadrados de entorno natural.
O antigo asfalto do paseo transformouse en zonas verdes e o areal gañou superficie.
A intención é devolver a imaxe que a praia tiña nos anos sesenta do século pasado.
