Televisión Española 1956. urtean sortu zen. Horrek esan nahi du Espainiako ikus-entzunezko esparruan katerik zaharrena dela. Gaur egun, honako hauek osatzen dute: La 1, La 2, Canal 24 horas, Clan, TDP, TVE Internacional eta Star TVE.

1937. urtean Salamancan sortu zenetik, Radio Nacional aldatuz eta haziz joan da historian zehar, eta orain honako irrati hauek osatzen dute: RNE, Radio Clásica, Radio 3, Ràdio 4, Radio 5 eta Radio Exterior de España.

RTVE-ren webgunea 1986an sortu zen. 2008ko maiatzean, RTVE.es atera zen, eta azkar bilakatu zen Espainiako esparruko ikus-entzunezko lehenengo atari eta esparru hispanoko erreferentzia linean.

RTVE Institutuak barneko eta kanpoko prestakuntza eskaintzen du goi-mailako Irudia eta Soinua graduetan, ikastaro monografiko espezializatuetan, eta masterretan, zenbait unibertsitate publikorekin elkarlanean.

RTVE Orkestra Sinfonikoa eta Abesbatzak musika sinfonikoa eta korala sustatzen ditu ekintza kultural gisa eta gizartearen ondasun gisa. 2015ean, RTVE Orkestrak 50. urteurrena ospatu zuen. Abesbatza, bere aldetik, 1950ean sortu zen.

RTVE-k berrikuntza eta ekintzailetza sustatzeko ekimenak bultzatzen ditu. Horien helburu nagusia ikus-entzunezko sektorea, orokorrean, eta RTVE, bereziki, garatzen eta lehiakorra bilakatzen laguntzea da.