A comisaría de Ourense comeza a expedir o novo DNI, máis seguro e de deseño similar para toda Europa

O novo DNI europeo 4.0

A comisaría de policía de Ourense comezaba a expedir hoxe o novo DNI que se vai usar en todos os países da Unión Europea.

Leva as siglas de cada estado e os títulos en español e inglés. Ademáis é máis seguro, segundo recalca o delegado do Goberno en Galicia, José Miñones.

"Inclúe máis seguridade para que a falsificación sexa moito máis complicada".

Inclúe máis seguridade para que a falsificación sexa moito máis complicada

O DNI 4.0 entrará en vigor o 2 de agosto e convivirá co antigo ata agosto de 2031. Nun futuro próximo poderemos deixalo na casa porque poderá levarse no móbil grazas á aplicación que está a desenvolver o Goberno.

Despois da de Ourense, tamén comenzarán a expedir os novos DNI o resto das comisarías de Galicia.

Unidades móbiles da Policía para o rural

A veciñanza do rural que non queira trasladarse ás capitais de provincia para renovar o DNI ou para expedilo por primeira vez poderán facelo a través dalgunha das catro unidades móbiles da Policía. Para que se despracen a esas localidades do rural teñen que solicitárllelo aos concellos.