Televisión Española naceu en 1956 o que a converte na cadea máis veterana do panorama audiovisual español. Hoxe intégrana La 1, La 2, Canal 24 horas, Clan, TDP, TVE Internacional e Star TVE.

Dende o seu nacemento en Salamanca no ano 1937, Radio Nacional evolucionou e creceu ao longo das súas historias con RNE, Radio Clásica, Radio 3, Ràdio 4, Radio 5 e Radio Exterior de España.

A páxina web de RTVE naceu en 1986. En maio de 2008 lanzouse RTVE.es para converterse rapidamente no primeiro portal audiovisual do panorama español e en todo un referente no mundo hispano 'en liña'.

RTVE Instituto oferta formación interna e externa en ciclos de grao superior de Imaxe e Son, cursos monográficos especializados e másteres en colaboración con varias universidades públicas.

A Orquestra Sinfónica e Coro RTVE promociona a música sinfónica e coral como feito cultural e ben social. En 2015 a Orquestra RTVE celebrou o seu 50 aniversario. A creación do Coro remóntase ao ano 1950.

RTVE hospeda iniciativas de apoio á Innovación e o Emprendemento, cuxo obxectivo fundamental é o de contribuír ao desenvolvemento e a competitividade do sector audiovisual en xeral, e ao de RTVE, de maneira particular.