RNE

Radio Nacional de España foi fundada en Salamanca o 19 de xaneiro de 1937, polo que en 2012 celebrou o seu 75 aniversario. En 1955, ingresou na Unión Europea de Radiodifusión (UER). En 1960 produciuse a primeira gran reestruturación de RNE, coa creación dunha rede de centros emisores territoriais. Ese ano xurdiu Radio Peninsular, desaparecida en 1979. En 1965 naceu Radio 2 (máis tarde Radio Clásica). En 1971 inaugurouse Radio Exterior de España. En 1979 estendeuse a toda España Radio 3 de RNE, con contidos educativos e culturais, cada vez máis musicais.

En 1989 produciuse a fusión por “absorción” de Radio Cadena Española por Radio Nacional de España. En 1991 as emisoras de Radio 4 conectáronse con Radio 1, que en 2008 pasou a chamarse como a marca nai: RNE.

Composición

A cadea RNE hoxe está integrada por:

• Radio Nacional: emisora que, baixo a premisa de ser e dar servizo público, ofrece información veraz, con criterios de independencia, e programas de entretemento de calidade. Existe gran variedade de contidos sociais, culturais e deportivos, dando cabida á participación dos oíntes.
• Radio Clásica: referente da vida cultural española e da música clásica en particular. A súa singularidade é o compromiso coa difusión das músicas consideradas patrimonio da humanidade, facilitando o acceso de toda a cidadanía. Ten tamén unha destacada participación no escenario cultural internacional.
• Radio 3: emisora dedicada á cultura e á música xove que ofrece contidos non comerciais e de calidade. Apoia e difunde os principais festivais de música e encontros de creación contemporánea. Nela teñen cabida dende a música 'indie', ao rock alternativo, o jazz e a 'new age', ata a literatura, o cinema, o teatro e as artes plásticas, sempre dende as propostas máis innovadoras.
• Ràdio 4: é a primeira emisora que emitiu en catalán. Emite exclusivamente para Cataluña. Cumpre a súa misión de servizo público con contidos de interese cunha aposta global de calidade na promoción da cultura e a lingua catalás, sen esquecer a importante vertente social de información.
• Radio 5 Todo Noticias: é a radiofórmula informativa de Radio Nacional de España. Mantén o seu compromiso de servizo público, busca a información veraz e aplica un exercicio de pluralidade e participación nos espazos de análise e debate.
• Radio Exterior de España: é a canle de radio que emite para todo o mundo para informar de España e o español e o fai en sete idiomas. Ocúpase de difundir a nosa actualidade, así como as actividades culturais e científicas desenvolvidas no noso país ou polos nosos cidadáns.