Na aldea máis afectada polas treboadas do mes pasado en Viana do Bolo, avanzan os traballos de limpeza dos restos das riadas. Despois tocará avaliar os danos nas infraestruturas públicas e nas casas para pedir as axudas que permitan a súa reparación.
A adicción ás redes sociais pode afectar ao cerebro igual que as consideradas drogas duras. A Organización Mundial da Saúde fala dun problema de saúde pública global. Oito de cada cen mozos din que están enganchados ás pantallas.
O polbo fresco galego volve ás prazas, peixerías e restaurantes, logo de dous meses de veda. A campaña comeza con alta demanda e prezos medios de 13 euros na lonxa, pero con certa decepción, polo descenso de capturas.
Comeza a busca de piso de alugueiro para moitos universitarios e, en Santiago, un ano máis, con colas nas inmobiliarias. A maioría dos estudantes teñen como tope 300 euros por persoa e din que para conseguilo hai que madrugar.
A música como aliada nas terapias de ASPACE. A asociación, centrada na atención ás persoas con parálise cerebral, leva medio ano impartindo talleres cos que mellora substancialmente a calidade de vida dos usuarios, a nivel físico, mental e emocional.
O impacto dos incendios forestais en Galicia, en fotografías no Parlamento Europeo. Unha exposición de imaxes de Brais Lorenzo, quen denuncia o abandono do rural e como os lumes son unha consecuencia máis desa situación.
Os afeccionados ao rock máis potentente cítanse no Resurrection Fest de Viveiro. Arranca unha edición que espera bater récords de asistentes, co concerto do 50 aniversario de Iron Maiden. Os suecos Sabaton son o prato forte desta noite
A Praia das Catedrais, Illa Pancha, o Monte Meme ou o porto de Baiona, sinalados coas bandeiras negras de Ecoloxistas en Acción como exemplos de contaminación ou mala xestión ambiental.
Remata o prazo da regularización extraordinaria de migrantes. Aínda que non hai datos oficiais, as entidades sociais calculan que en Galicia a solicitaron máis de 10.000 persoas. O seu principal obxetivo, poder traballar legalmente e ter acceso a vivenda.
Galicia, con 28 persoas afogadas no que vai de ano, é a segunda comunidade con maior incidencia destes sinistros. Os socorristas reclaman maior dotación de medios para aumentar a vixilancia nas praias. Insisten na importancia de que os adultos extremen a atención aos menores ao seu cargo.
A Xunta aproba o proxecto da lei de educación dixital, que limitará o uso do móbil ata 3º da ESO e regulará a intelixencia artificial e a desconexión dixital nas aulas. Busca unha educación dixital máis segura, ordenada e adaptada á idade dos estudantes.
O Deportivo recolle nunha fin de semana máis de 70 toneladas de material humanitario para enviar a Venezuela. Centos de persoas achegáronse a o estadio de Riazor con comida, auga, roupa e medicamentos, desbordando as previsións da fundación.
Da vaga de calor, ás chuvias torrenciais. Os fenómenos meteorolóxicos extremos marcan o arranque da temporada de máxima afluencia de peregrinos que chegan a Santiago polas rutas xacobeas.
Otero Pedrayo morreu hai 50 anos logo dunha vida que deixou unha fonda pegada na cultura galega. A el se achega o escritor Paco López-Barxas con perspectivas diversas, entre elas, como se vía Otero Pedrayo a si mesmo e como o vían os demais.
O alumnado da escola de Donramiro, en Lalín, participou nun proxecto educativo que combina arte, tradición e patrimonio cultural arredor do pan de millo. A iniciativa, promovida polo Centro de Arte Fundación María Jove, permitiu aos nenos e nenas coñecer todo o proceso de elaboración, desde o cultivo e secado do millo corvo, típico de Galicia, ata a cocción do pan, ao tempo que descubriron historias, lendas e saberes populares vinculados a este alimento tan presente na cultura galega.
Marcar o cadro do X solidario na declaración da renda obriga ao Estado a dedicar unha porcentaxe do recadado a causas sociais. Estivemos en COGAMI e na Fundación Meniños para coñecer en que se invisten eses cartos.
Os grandes areais urbanos foron un dos escenarios principais da celebración, por todo o alto e de xeito máis multitudinario que nunca, da noite de San Xoán. Nas praias da Coruña déronse cita 200.000 persoas. Lume, música, sardiñas e tradición na noite máis curta e máxica do ano. Una festa marcada polas altas temperaturas e os chamamentos a manter un comportamento cívico. Rexistráronse máis de 370 incidencias.
