A confraría de Cangas recibe o Premio Alimentos de España na categoría de Produción de Pesca e Acuicultura. O xurado valorou o esforzo da entidade, que celebra o seu 80 aniversario e conta con 175 barcos, para modernizarse e xerar valor engadido á pesca artesanal.
A escaseza de precipitacións pon en alerta o abastecemento de Vigo e da súa área metropolitana. O encoro de Eiras está ao 44 % da súa capacidade e o Concello advirte que Vigo ten auga garantida para só uns 50 días. O total encorado en Galicia é do 52% e, de momento, sen previsión de chuvias.
Vigo súmase ás acampadas de protesta polo dereito á vivenda. En plena alameda permanecen instaladas unhas quince tendas de campaña para protestar polos elevados prezos dos alugueiros, condicionados tamén polas vivendas de uso turístico que hai na cidade.
Pontevedra súmase ás acampadas pola vivenda que están a xurdir en moitas cidades. Un grupo de mozas e mozos acaban de instalar as súas tendas na alameda en protesta polos desafiuzamentos e para pedir medidas urxentes nas políticas de vivenda.
Arranca a campaña de vacinación da gripe e faino nas residencias de maiores e centros de discapacidade, que concentra a poboación máis vulnerable ás infeccións respiratorias. A campaña pretende chegar aos máis de 920.000 galegos maiores de 60 anos e tamén ao medio millón maiores de 70, para os que está especialmente indicada, ademais, a inmunización fronte á covid. Foto: EFE | Salvador Sas
A danza contemporánea busca novos espazos e públicos en Vigo. O festival Síntese regresa esta fin de semana coa súa terceira edición coa Premio Nacional de Danza porriñesa Janet Novás como cabeza de cartel.
Parece un chourizo, pero non leva carne. O Calabizo, un embutido vexetal feito con cabaza, naceu hai dez anos en Nigrán. Detrás está unha pequena empresa que recuperou unha receita tradicional galega e conseguiu levala a mercados de Europa e dos Estados Unidos.
Gran ambiente en Pontevedra, onde se celebra a Gran Final das Series Mundiais de Triatlón. Durante cinco días, a cidade acolle estas probas que decidirán os títulos mundiais. Nos hoteis da comarca, cheo total para acoller os máis de 5.000 deportistas, acompañantes e equipos técnicos.
O mexillón é un dos produtos estrela das nosas rías. O sector presenta o selo Mexillón de Galicia para por en valor a súa calidade e proximidade. O capitán do Celta, Iago Aspas, alcumado o ‘Principe das Bateas’, protagoniza a campaña de promoción.
Ás portas de entrar no outono os termómetros seguen disparados. Hoxe de novo será un día de moitísima calor. A Xunta mantén activada a alerta vermella por temperaturas de ata 36 graos en 17 concellos do interior da provincia de Pontevedra, que establece a restrición de actividades escolares no exterior. O aviso é de nivel amarelo no interior da Coruña, a montaña de Ourense e nas Rías Baixas.
Descarga no porto de Vigo das dúas toneladas de cocaína, intervidas a bordo dun veleiro que navegada a 400 millas da costa galega. Foi localizado polo buque ‘Petrel I’ do Servizo de Vixilancia Aduaneira, dentro dunha operación conxunta entre a Axencia Tributaria e a aduana francesa. Os catro tripulantes do veleiro foron detidos e trasladados a terra xunto coa droga para ser postos a disposición xudicial. A droga podería ter un valor no mercado superior aos vinte millóns de euros.
Un cerebro humano, conservado durante séculos, sen precedentes na Península Ibérica. É unha das sorpresas que están a desvelar as escavacións no convento medieval de Santa Clara, en Pontevedra. Na igrexa, os arqueólogos recuperaron tamén restos óseos de dous menores, zapatos e téxtiles.
O residuo da vendima pode volver á propia viña convertido nun bioestimulante. Terras Gauda leva tres campañas probando este sistema en colaboración coa Universidade de Vigo e os primeiros resultados apuntan a melloras no solo, nas plantas e tamén na uva.
Minuto de silencio este mediodía en Ponteareas en repulsa pola morte violenta dunha muller de 81 anos. Foi presuntamente asasinada polo seu fillo, que coidaba dela e que tiña problemas psiquiátricos. O home confesou o crime e foi detido no hospital tras tentar autolesionarse.
O veto ao palangre na UE e a transformación do sector son cuestións que se abordan en Vigo na Conferencia Internacional sobre o futuro da pesca. Os armadores poñen o foco na necesidade de renovar a frota e na suba dos custos provocada polas tensións xeopolíticas.
Vigo será a terceira cidade galega en aplicar a taxa turística trala Coruña e Santiago. Entrará en vigor a partir do próximo 1 de outubro tras a súa aprobación en pleno. Os prezos irán dende os 80 céntimos aos dous euros por persoa e día, dependendo do tipo de aloxamento.
Os recentes roubos en Badajoz, Albacete e Villena, teñen en alerta aos museos e ás forzas de seguridade. O Museo de Pontevedra garda o Tesouro de Caldas, a maior colección de ouro da prehistoria europea.
Baiona comeza a recibir subministro de auga para abastecemento do encoro vigués de Zamáns. Ante o estado crítico da presa de Baíña, por debaixo de 30 por cento da súa capacidade, o Concello mantén as medidas estritas de aforro como prohibición de echer piscinas, regar xardíns ou o peche de duchas nas praias.
Sanxenxo (Pontevedra) ha sido testigo de la elaboración de la tortilla de patata más grande del mundo: una sartén de seis metros de diámetro, 17.000 huevos y diez toneladas de tortilla. Todo un reto gastronómico, con miles de personas pendientes de la elaboración y posterior reparto.
A Xunta activa ata o sábado unha alerta vermella por calor no interior de Pontevedra e laranxa na montaña de Ourense, interior da Coruña e centro de Lugo, por risco para a saúde. As máximas en boa parte de Galicia superarán os 30 graos. Cómpre buscar sombra, beber auga e evitar o exercicio físico nas horas de máis calor.
Máis de 17.000 persoas acudiron a ver a obra.
O interese amosado polo público ontribuiu a que este verán sexa o de maior afluencia ao Museo de Pontevedra nos últimos 12 anos.
Castelao pintou este cadro en 1945 para o Centro Ourensán de Bos Aires, nel representa a denuncia contra a violencia e a intolerancia.
Pódese ver ata o 27 de setembro no Museo de Pontevedra.
