Telexornal-Galicia

O presidente do Goberno felicítalle o Nadal aos soldados que están estes días de misión no estranxeiro. Foi por videoconferencia desde a base da Brilat, en Pontevedra. // Núñez Feijóo anuncia nunha entrevisa en Radio Nacional que os perceptores de pensións non contributivas van recibir o mes que vén un suplemento de 200 euros. // Traballadores de Novagalicia Banco concéntranse contra a redución de dous mil cincocentos empregos que contempla o plan de reestruturación da entidade. // Esta tarde vai recibir sepultura en Escairón, a súa vila natal, o histórico líder socialista galego Ceferino Díaz. // Compras de última hora a prezos que este Nadal non subiron tanto como en anos anteriores, agás nos produtos máis escasos. // Sete adegas da denominación de orixe Rías Baixas acaban de poñer no mercado os primeiros espumosos feitos con albariño. (24/12/12)

O presidente do Goberno felicítalle o Nadal aos soldados que están estes días de misión no estranxeiro. Foi por videoconferencia desde a base da Brilat. // Feijóo anuncia que os perceptores de pensións non contributivas van recibir o mes que vén un suplemento de 200 euros. // Traballadores de Novagalicia Banco concéntranse contra a redución de empregos. // Esta tarde vai recibir sepultura o histórico líder socialista galego Ceferino Díaz. // Compras de última hora a prezos que este Nadal non subiron tanto como en anos anteriores. // Os primeiros espumosos feitos con albariño. (24/12/12)

Ceos cubertos e precipitacións de intensidade moderada, localmente fortes nas provincias atlánticas. Precipitacións de neve nas cotas máis altas da Comunidade a última hora. Ventos soprarán do sueste, fortes no litoral e nas zonas altas, e moderados no resto. Temperaturas en descenso, lixeiro no caso das mínimas e moderado no das máximas. (24/12/12)

Preocupación entre os funcionarios polos novos recortes dos seus soldos previstos nos orzamentos. Uns 200 representantes concentranse ás portas da reunión dos sindicatos co director xeral da función pública. // O presuposto do ano que vén reducirase en 400 millóns de euros segundo lles explicou a Conselleira de Facenda aos sindicatos e ao presidente dos empresarios. (21/12/12)

O sistema financieiro segue a recompoñerse, logo dos problemas xurdidos nas caixas. Un banco venezolano acaba de adquirir a maioría do Banco Echeverría, unha veterana institución que partiu de Betanzos e na que NovaCaixaGalicia tiña case a mitade do capital. // A baixada das vendas nos principais mercados europeos impediu que a fábrica de Citroen de Vigo acadara o obxectivo de fabricar trescentos mil vehículos neste ano, no que contratou 200 traballadores mais. // O Deportivo empezará o ano como colista en solitario de Primeira División tras ser derrotado por 2-0 no seu desplazamento ó campo do Español, co que estaba ata agora empatado no último posto da taboa. (21/12/12)

Un banco venezolano, o Banesco, acaba de adquirir a maioría do Banco Echeverría, unha veterana institución que partiu de Betanzos e na que NovaCaixaGalicia tiña case a mitade do capital. // A baixada das vendas nos principais mercados europeos impediu que a fábrica de Citroen de Vigo acadara o obxectivo de fabricar trescentos mil vehículos neste ano. // O Deportivo empezará o ano como colista en solitario de Primeira División tras ser derrotado por 2-0 no seu desplazamento ó campo do Español. (21/12/12)

Entrou o inverno aínda que de momento non o notamos porque as temperaturas subiron. Martion Barreiro amplianos a previsión. (21/12/12)

A flota galega poderá manter, o ano que vén uns topes e capturas similares aos deste segundo o acordo acadado a pasada madrugada en Bruxelas. // A Xunta queda coa fábrica conserveira de Alfageme e a marca Miau despois de ser o único postor. // O Deportivo xogará esta noite contra o Español, nun encontro entre os dous últimos clasificados da Liga. (20/12/12)

A flota galega poderá manter, o ano que vén uns topes e capturas similares aos deste segundo o acordo acadado a pasada madrugada en Bruxelas. O acordo é considerado coma moderadamente satisfactorio polos armadores galegos .// A Xunta queda coa fábrica conserveira de Alfageme e a marca Miau despois de ser o único postor . // O Consello acordou reducir as catro entidades que xestionan o solo empresarial nas respectivas provincias a un só. // Continúa a instrucción da Operación Pokemon. Esta mañá prestaron declaracións a concelleira de Educación de Santiago, Rebeca dominguez do Partido Popular e un funcionario deste concello. // Histórica victoria do Blusens Mombus Obradoiro na sua visita a Barcelona, no pavillon azulgrana, 8 puntos por riba. (20/12/12)

A flota galega poderá manter, o ano que vén uns topes e capturas similares aos deste segundo o acordo acadado a pasada madrugada en Bruxelas. // A Xunta queda coa fábrica conserveira de Alfageme e a marca Miau despois de ser o único postor. // Continúa a instrucción da Operación Pokemon. Prestaron declaracións a concelleira de Educación de Santiago, Rebeca dominguez do Partido Popular e un funcionario deste concello. (20/12/12)

Segue o tempo chuvioso e, para as próximas horas, agárdanse fortes precipitacións e ventos, sobre todo na franxa atlántica. (20/12/12)

As protestas dun grupo de afectados polas participacións preferentes provoca a suspensión do Pleno do Parlamento. // Os veciños levaban catorce anos denunciando un aterramento ilegal e finalmente o muro veu abaixo levando consigo un autobús e catro coches. Ocorreu en Vigo, esta madrugada, e non houbo feridos. Era a zona de aparcamento dunha empresa de transportes que a Xunta ordenou derrubar en 2003. // Premio europeo a Pontevedra por promover a mobilidade sostible. Foi por este plano, ao que lle chaman Metrominuto. Recolle 21 puntos na cidade e o tempo que un peón pode tardar en desprazarse entre eles. Unha iniciativa única en Europa que lle valeu ao concello o galardón Intermodes, que na última edición distinguiu á vila olímpica de Londres. 19/12/12

Os veciños levaban catorce anos denunciando un aterramento ilegal e finalmente o muro veu abaixo levando consigo un autobús e catro coches. Ocorreu en Vigo, esta madrugada. // Os orzamentos de Galicia para 2013 vanse aprobar o dia 27 deste mes, segundo manifestou o presidente da xunta na sesión de control parlamentaria polos grupos da oposición. // Premio europeo a Pontevedra por promover a mobilidade sostible. Foi por este plano, ao que lle chaman Metrominuto. Recolle 21 puntos na cidade e o tempo que un peón pode tardar en desprazarse entre eles. // En Galicia hai unhas 4.000 familias con adolescentes que teñen problemas co abuso de internet. O Valedor do Pobo presentou hoxe unha enquisa que serve para detectar o uso patolóxico da rede. // O Deportivo, abocado a acudir a Lei Concursal antes de fin de ano. 19/12/12

Cae un muro levando consigo un autobús e catro coches. Ocorreu en Vigo, esta madrugada. // Os orzamentos de Galicia para 2013 vanse aprobar o dia 27 deste mes. // Premio europeo a Pontevedra por promover a mobilidade sostible. // O Valedor do Pobo presenta unha enquisa que serve para detectar o uso patolóxico da rede. // O Deportivo, abocado a acudir a Lei Concursal antes de fin de ano. 19/12/12

Ceos nubrados, sobre todo na franxa atlántica, onde haberá chuvias. Pola noite, as precipitacións cruzarán a comunidade de Oeste a Leste con intensidade puntualmente moderada e con posibilidade de tormentas. Vento do Sur, forte, con momentos moi fortes no litoral e nas zonas altas, e moderado, con momentos fortes, no resto, especialmente cara á noite. Temperaturas sen cambios. 19/12/12

Os representantes dos traballadores e a dirección de Paradores de Turismo van negociar alternativas ao peche definitivo dos establecementos de Verín e Ferrol, uns dos sete que a empresa anunciou que ía clausurar. Debaten a posibilidade de pechalos só por temporadas. O ERE plantexado en Paradores afecta a case a metade dos seus empregados en Galicia. // O grupo PSA-Citroen de Vigo anuncia unha mellora nos seus contratos a 337 traballadores da factoría de Vigo. // Un informe do Real Automóbil Club sitúa en Galicia dous dos tres tramos de maior risco para a seguridade do tráfico das estradas españolas. Estes puntos negros son o acceso ao aeroporto de Santiago e a estrada nacional entre A Pontenova e Meira, en Lugo. (18/12/12)

Novacaixagalicia ten un burato de 3.091 millóns de euros, segundo un informe de expertos independentes que deu a coñecer o FROB. Aínda así, os titulares de participacións preferentes que poidan demostrar que non coñecían o produto recuperarán a totalidade do seu investimento, segundo o ministro de Economía. // Cos votos dos deputados do Partido Popular, o Parlamento rexeitou a toma en consideración dunha iniciativa lexislativa popular para a defensa e promoción da sanidade pública. // Un informe do Real Automóbil Club sitúa en Galicia dous dos tres tramos de maior risco para a seguridade do tráfico das estradas españolas. // O grupo PSA-Citroen de Vigo anuncia unha mellora nas súas condicións contractuais a 337 traballadores da factoría de Vigo. // Luns sen fortuna para o fútbol galego de primeira. (18/12/12)

Novacaixagalicia ten un burato de 3.091 millóns de euros, segundo o FROB. // O Partido Popular rexeita a toma en consideración dunha iniciativa lexislativa popular para a defensa da sanidade pública. // En Galicia están dous dos tres tramos de maior risco para a seguridade do tráfico das estradas españolas. // O grupo PSA-Citroen de Vigo anuncia unha mellora nas súas condicións contractuais a 337 traballadores. // Luns sen fortuna para o fútbol galego de primeira. (18/12/12)

Ceo moi nubrado ou cuberto con precipitacións, localmente persistentes e moderadas en Pontevedra e no Sueste de A Coruña, que caerán de modo máis disperso ao avanzar a tarde. Vento do Sur e Sueste aumentando de intensidade durante a xornada, de moderado a forte no litoral e nas zonas altas e de frouxo a moderado no resto. Temperaturas en lixeiro ascenso. (18/12/12)

Volve a vieira fresca de Galicia. A campaña arrancou esta mañá na Ría de Arousa, xusto a tempo para o Nadal, tras remitir o episodio de toxina amnésica que impedía capturala. Todos os barcos conseguiron os topes. En menos de dúas horas apañaron uns tres mil quilos de vieira, que chegará ao consumidor eviscerada e etiquetada, a partir de mañá. // Unha ducia de sociedades científicas de Galicia únense para defender a eficacia das vacinas. Médicos e científicos insisten na necesidade de protexer a poboación mediante as campañas de vacinación, contra crenzas que poñen en dúbida a súa utilidade, que se están a difundir nos últimos anos. // Un ourensán gaña no Gordo da Primitiva 10 millóns seiscentos mil euros. O único acertante do premio de primeira categoría, do que non se coñece a identidade, xogou un boleto automático de dúas apostas que lle custou tres euros. 17/12/12