Persiste a inestabilidade atmosférica, nunha xornada de ceos con intervalos de nubes e claros. Pola tarde nubes de evolución que deixarán chuvascos treboentos, máis probables nas provincias de Lugo e Ourense. As temperaturas sen apenas cambios, con lixeiros descensos no litoral e máximas dende os 25 graos na Coruña aos 33 en Ourense. 25-05-2026
A Coruña, celebra a volta do Deportivo a Primeira división, logo de oito anos. Esta tarde, recepción oficial no pazo de María Pita | Principio de acordo de PSOE, BNG e Sumar no Congreso dos Deputados para o traspaso da titularidade da AP-9 a Galicia | Folga dos traballadores da recollida do lixo en Vigo, coas posturas moi distanciadas entre os sindicatos e a empresa concesionaria | Máis de 300 quilos de Algas recollidas na Plataforma flotante do Parrote, na Coruña, que serán empregadas para uso alimentario e agrícola. 25-05-2026
Festa, por todo o alto, de madrugada. É a multitudinaria celebración, na Coruña, do regreso do Deportivo a Primeira División, oito anos despois, un período no que pasaron polo club 7 presidentes e once adestradores | Principio de acordo de PSOE, BNG e Sumar no Congreso dos Deputados para o traspaso da titularidade da AP-9 a Galicia. As tres formacións din que formalizarán o pacto mañá e incluirá transferir todas as competencias na xestión da Autoestrada do Atlántico | Folga dos traballadores da recollida do lixo en Vigo, coas posturas moi distanciadas entre os sindicatos e a empresa concesionaria na negociación do convenio. Unha mobilización que coincide na semana que se celebra na cidade o Día das Forzas Armadas | Máis de 300 quilos de Algas recollidas na Plataforma flotante do Parrote, na Coruña, que serán empregadas para uso alimentario e agrícola. Unha actividade a cargo dunha empresa galega, con trinta anos de traxectoria. 25-05-2026
No paseo do Parrote da Coruña uns mergulladores sacan do fondo algas.
Unha vez recollidas e analizadas, dependendo da calidade, destínanse para alimentacion ou a agricultura.
Ademais de na costa tamén as apañan en plataformas de cultivo.
O uso das algas na gastronomía está en constante crecemento.
Segunda xornada de folga na recollida de lixo en Vigo.
Sindicatos e empresa concesionaria non chegan a un acordo no marco da negociación do convenio.
As posturas están distanciadas sobre todo no que respecta as xubilacións anticipadas e a suba salarial.
Piden a mediación do Concello.
A folga coincide coa semana do Día das Forzas Armadas que se celebra na cidade.
As obras de retranqueo na viguesa praia de Samil lograron recuperar 5.000 metros cadrados de entorno natural.
O antigo asfalto do paseo transformouse en zonas verdes e o areal gañou superficie.
A intención é devolver a imaxe que a praia tiña nos anos sesenta do século pasado.
Remata a cuarta semana de folga dos médicos contra o Estatuto Marco do Ministerio de Sanidade. O Sergas cifra a participación nuna quinta parte dos facultativos galegos | Bota a andar a Unidade de Apoio a Atención Primaria. Un novo servizo para desconxestionar a atención telefónica das consultas médicas galegas máis saturadas | Minuto de silencio en Brión pola nena de dous anos falecida logo de permanecer no coche durante horas, exposta a altas temperaturas | A praia de Samil, en Vigo, transfórmase para recuperar a súa paisaxe orixinal, co retanqueo do paseo marítimo para devolver espazo ao sistema dunar de Argazada. Unha actuación que permitiu gañar 25 metros de praia | O Festival de Cans, no Porriño, xa lanzou os chimpíns á rúa Roteiros, coloquios e proxeccións transforman a contorna rural da vila. 22-05-2026
Día de calor intensa e xeralizada. As temperaturas soben e serán moi altas para esta época. Poden superar os 36 graos en Ourense. Aumenta a inestabilidade atmosférica, con posibles chuvascos e treboadas fortes esta tarde en gran parte de Lugo. A fin de semana seguirá igual. O aire africano en superficie vai disparar as temperaturas, mesmo está previsto que se rexistren as primeiras noites tropicais do ano. 22-05-2026
O cinema é protagonista esta fin de semana en Cans.
A parroquia do Porriño abre os galpóns á sétima arte.
Roteiros, coloquios e proxeccións transforman a contorna rural da vila pontevedresa.
O desfile de chimpíns polo centro do Porriño e a proxección da pelicula 'La buena hija' con Janet Novás, bailarina e actriz que este ano recibe un chimpín de prata, inaugurou o Festival.
Remata, sen perspectivas de acordo, a cuarta semana de folga dos médicos contra o Estatuto Marco | Posta en marcha da Unidade de Apoio a Atención Primaria. Un novo servizo para desconxestionar a atención telefónica das consultas médicas máis saturadas | Minuto de silencio en Brión pola nena de dous anos falecida logo de permanecer no coche durante horas | A Coruña envólvese en preparativos de celebración, ante a perspectiva de confirmar, xa o domingo, o regreso do Deportivo á primeira división | Chega o Festival de Cans, no Porriño, a cita cinematográfica que transforma a contorna rural con roteiros, coloquios e proxeccións. 22-05-2026
Remata, sen perspectivas de acordo, a cuarta semana de folga dos médicos contra o Estatuto Marco do Ministerio de Sanidade. Os convocantes reclaman a dimisión da Ministra Mónica García. O Sergas estima a participación nos paros en Galicia de un de cada cinco facultativos | A mobilización que coincide coa posta en marcha da Unidade de Apoio a Atención Primaria. Un novo servizo ideado pola Consellería de Sanidade para desconxestionar a atención telefónica das consultas médicas máis saturadas | A Coruña envólvese en preparativos de celebración, ante a perspectiva de confirmar, xa o domingo, o regreso do Deportivo á primeira división. A federación de peñas organiza a viaxe a Valladolid de 14 autobuses con afeccionados | Chega o Festival de Cans, no Porriño, a cita cinematográfica que transforma a contorna rural con roteiros, coloquios e proxeccións, nunha edición con chimpín de prata para a actriz e bailarina Janet Novás. 22-05-2026
A coruña prepárase para o partido do domingo en Valladolid.
Se gaña o Deportivo ascende á Primeira. Incluso o empate poderíalle valer.
A federación de peñas organiza 14 autobuses para viaxar a Valladolid e A Coruña xa está engalanada coas cores do equipo
O Deportivo agarda voltar á Primeira logo de 8 anos de espera.
Seis xubilados franceses percorren máis de mil quilómetros de peregrinación a Santiago en mobylettes dos anos sesenta. Unha aventura humana e mecánica que se recollerá nun documental
Todos os polígonos de bateas de Galicia, pechados pola toxina lipofílica. Un fenómeno propio da primavera que este ano é máis intenso do habitual e afecta tamén aos bancos marisqueiros.
Traxedia no concello coruñés de Brión. Unha nena de dous anos morreu tras quedar esquecida varias horas no interior dun coche. O pai deixou ao irmán maior no colexio e despois aparcou o vehículo e foi traballar, sen decatarse de que non levara á nena á escola infantil | O absentismo escolar vai ter máis control e axilidade cun novo protocolo dixitalizado. A partir de agora as faltas de asistencia revisaranse cunha ferramenta informática, que tamén reducirá o traballo administrativo dos profesores | A proliferación da toxina Lipofílica nas aguas das rías mantén pechadas as bateas de mexillón. Na ría de Arousa agardan que pase pronto este episodio para volver a traballar | Seis xubilados franceses recorren máis de mil quilómetros de peregrinación a Santiago en pequenos ciclomotores dos anos sesenta. 21-05-2026
O calor do verán xa está aquí. Soben as temperaturas en toda Galicia. As máximas oscilan entre os vintecatro graos da Coruña e os trinta e dous de Ourense. Temos ceos despexados e ventos frouxos do suroeste. Brétemas nas Rías Baixas. E algún amago treboento pola tarde. 21-05-2026
Morre unha nena de dous anos, esquecida durante varias horas no interior dun coche, a causa dun golpe de calor en Brión | A Xunta anuncia un novo protocolo dixitalizado para o control e a revisión do absentismo escolar | Iago Aspas oficializa a renovación no Celta por unha temporada máis | Todolos polígonos de bateas, pechados pola toxina Lipofílica. Un fenómeno natural, propio da tempada de primavera, que este ano está a ser máis intenso do habitual | Seis xubilados franceses recorren máis de mil quilómetros de peregrinación a Santiago en pequenos ciclomotores dos anos sesenta. 21-05-2026
Loito en Brión pola morte dunha nena de dous anos, esquecida durante varias horas no interior dun coche, a causa dun golpe de calor. O pai aparcou o vehículo diante do seu negocio, despois de deixar ao irmán maior no colexio | A Xunta anuncia medidas fronte ao absentismo escolar. Un novo protocolo dixitalizado aplicarase no control e na revisión das faltas de asistencia do alumnado. Unha ferramenta informática que axilizará os procedementos e reducirá a carga burocrática dos docentes | Todolos polígonos de bateas, pechados pola toxina Lipofílica. Un fenómeno natural, propio da tempada de primavera, que este ano está a ser máis intenso do habitual e afecta tamén aos bancos marisqueiros, especialmente aos situados nas zonas externas das rías | Seis xubilados franceses recorren máis de mil quilómetros de peregrinación a Santiago en pequenos ciclomotores dos anos sesenta. Unha aventura humana e mecánica que o ourensán Domingo Díaz está a plasmar nun documental. 21-05-2026
No día mundial das abellas, achegámonos ao museo vivente do mel, en Arzúa. As abellas son esenciais para a produción dos alimentos que consumimos, esencias para a nosa supervivencia.
