Ramón Colom Esmatges

Bartzelonan jaio zen 1952an, eta lizentziaduna da Komunikazioaren Zientzietan Bartzelonako Unibertsitate Autonomoaren eskutik. TVE-n lan egiten hasi zen 1974an, ‘La Semana’ eta ‘Informe Semanal’ programetan. 1982an, TVE-ren zerbitzu informatiboen egunero ematen ez diren programen buru izendatu zuten. 1990eko otsailean TVE-ko zuzendari nagusia izendatu zuten Jordi García Candau-en aginduetara. Kargu hori 1996ko ekainera arte izan zuen.

Canal 33 eta TVE-ko La 2 kanaletako ‘Millennium’ programaren zuzendaria eta aurkezlea da. TV3, Telecinco, Antena3 eta Fotogramas komunikabideetan ere lan egin zuen. 2000ko otsaila eta 2002ko otsaila bitartean programazioaren eta edukien zuzendari nagusia izan zen Vía Digital-en. Facultat de Ciencias de la Comunicació Blanquerna-n, Bartzelonan, irakaslea izan zen. 2013ko abenduan FAPAE konfederazioaren presidente aukeratu zuten, 2018ra arte.