Egintza soziala

Langileentzako laguntzak aurreikusi dira lana eta familia bateragarri egiteko, baita desgaitasunaren eta sustapen profesionalaren arloetan ere. Beste alde batetik RTVE Orkestra eta Abesbatzak Korporazioaren eta gizartearen arteko harremanean sakontzen du publikoari irekitako zenbait ekintzaren bitartez.

Osasun-laguntza eta gizarte-gaiak

Langileentzako gizarte-prestazioen artean osasun-poliza kolektiboa, istripu-aseguru kolektiboa, bizitza-aseguru kolektiboa, eta aldi baterako ezintasunagatiko prestazioak ditugu.

Horrez gain, egintza sozialeko funtsaren zati bat zuzentzen da langileek egiten dituzten ikasketen ondoriozko gastu batzuk ordaintzera. Gehien eskatzen direnak hizkuntza-ikastaroak, unibertsitatean sartzeko ikastaroak edo Lanbide Heziketako ikastaroak dira.

Kontzertuak eta entseguak

RTVE Orkestra eta Abesbatzak jarduera sozial eta prestakuntzako jarduera garrantzitsua burutzen du, Korporazioaren langileentzako zein publiko orokorrarentzako. Jarduerak publiko berriak sortzean jartzen du arreta.

Denboraldi bakoitzean, 150 irakasle baino gehiago eta 6.000 ikasle baino gehiago denboraldiaren hasieran aukeratzen diren entsegu orokorretara joaten dira. Erakunde publikoetako eskaerak, gizarteratze soziokulturalerako proiektuak aurkezten dituzten erakunde pribatuetako eskaerak, eta Madrilgo Erkidegotik kanpoko ikastetxeetako eskaerak hartzen dira ere bai. Prestakuntzako jarduera hori helduentzako ikastetxeetara ere zabaltzen ari da, eta entseguetara eta kontzertuetara joaten dira.