Estupor e a incredulidade na localidade coruñesa de Vilasantar pola morte violenta de dous dos seus veciños, que residían en Baracaldo e que, ao parecer, foron asasinados polo seu fillo, un policía local da localidade viscaíña, que logo se suicidou.
Aquí teñen aínda unha casa que puxeran en venda dende que os pais enfermaran.
O Alcalde de Santiago, Ángel Currás, vai dar a coñecer dentro de dúas horas os nomes das nove persoas para ocupar os postos de concelleiros deixados vacantes polos titulares, do Partido Popular, que renunciaron a raiz de procesos xudiciais.
Os grupos da oposición pídenlle ao propio rexedor que dimita el tamén.
Comezou na Coruña o xuízo a 18 veciños de Ordes, acusados de difundir un vídeo privado de contido sexual que unha muller da localidade gravara con imaxes propias. O principal acusado é o encargado dunha tenda de informática á que a moza levara o ordenador a amañar e que recuperou o arquivo. O vídeo chegou a ser exhibido en varios locais da vila.
O Deportivo recibiu hoxe os parabéns do presidente da Xunta polo conseguir volver a Primeira nun ano no que o clube estivo a piques de desaparecer. Un recibimento despois de despedirse de Segunda con derrota en Girona. Na categoría quedará o Lugo despois de vencer ao Mirandés e certificar un ano máis de Quique Setién como adestrador.(09/06/14)
