Ramón Colom Esmatges

Ramón Colom Esmatges

Nado en Barcelona en 1952, é licenciado en Ciencias da Comunicación pola Universidade Autónoma de Barcelona. Empezou a traballar en TVE en 1974 nos programas ‘La Semana’ e ‘Informe Semanal’. En 1982 foi nomeado xefe de Programas Non Diarios dos Servizos Informativos de TVE. En febreiro de 1990 noméaselle director xeral de TVE ás ordes de Jordi García Candau, cargo que ocupa ata xuño de 1996.

É director e presentador do programa ‘Millennium’ de Canal 33 e de La 2 de TVE. Traballou tamén para TV3, Telecinco, Antena3 e Fotogramas. Dende febreiro do ano 2000 ata febreiro de 2002 foi director xeral de Programación e Contidos en Vía Dixital. Tamén foi profesor da Facultat de Ciencias da Comunicació Blanquerna, en Barcelona. En decembro de 2013 foi elixido presidente de FAPAE ata o ano 2018.