Telexornal-Galicia

Técnicos da Xunta intentan rescatar unha ducia de vacas atrapadas nun barranco de difícil acceso en Taboada | Hoxe é o día para comprobar onde se podería ver mellor a eclipse do próximo 12 de agosto, por tratarse dun "día espello" | Adolfo Domínguez aumenta a sua facturación un dous por cento, ata 139 millóns de euros, no último ano | Bombeiros dos Grupos de Emerxencias Supramunicipais reclaman en Ourense un novo modelo organizativo | O director Ángel Santos estrea hoxe a súa terceira película, 'Así chegou a noite', rodada en Galicia, coa paisaxe coma un protagonista máis. 30-04-2026

Intento de rescate dunha ducia de vacas, que quedaron atrapadas nun barranco de moi difícil acceso en Taboada, preto do encoro de Portomarín. Os veciños cren que se precipitaron ata ese lugar, asustadas polo lobo. Os técnicos de Medio Rural estudan distintas opcións para poñer os animais a salvo | Comeza a conta atrás para a eclipse total de sol do vindeiro 12 de agosto. Hoxe é o día de facer ensaios porque esta tarde o sol estará nunha posición semellante á do día do fenómeno | Adolfo Domínguez aumenta a sua facturación un dous por cento, ata 139 millóns de euros, no último ano, que supón o 50 aniversario da sua fundación. A Compañía suma catro exercicios seguidos en positivo grazas a unha clientela máis nova | Estréase nos cines 'Así chegou a noite', a terceira película dirixida por Ángel Santos. Un drama intimista que explora as relacións de parella e un protagonista que busca a súa identidade fuxindo da sociedade hiperconectada dos tempos actuáis. 30-04-2026

A artista viguesa Menchu Lamas expón en Vilagarcía parte da obra que a converteu nunha das figuras máis relevantes da pintura contemporánea española. Cadros de gran formato nos que mandan as cores vibrantes e os símbolos como siluetas, espirais e mans.

Dende hai máis de corenta anos, as persoas cegas poden acceder por lei a calquera establecemento público cos seus cans guía. Aínda así, seguen sendo necesarias as campañas de conciención para lembrarllo aos cidadáns

Reparto gratuito de amorodos de Huelva na praza do Obradoiro, de Santiago. Unha iniciativa do sindicato agrario UPA para poñer en valor un produto do que destacan que está sometido as maiores exixencias mediombientais e dereitos dos traballadores. A diferencia, din, das que se importan de outros países como Marrocos | O IPC recorta dúas décimas a sua taxa interanual, ata situarse no 3,2 por cento en abril, segundo o dato avanzado hoxe polo INE. Unha moderación que se atribúe ao menor custo da luz respecto a hai un ano, que compensa o prezo dos carburantes | As empresas eólicas denuncian o estancamento do sector en Galicia nos últimos anos, mentres duplicou a potencia instalada no conxunto de España. Advirten de que a paralización dos proxectos de eólica mariña, podería supoñer a perda de 10.000 postos de traballo | O dereito das persoas invidentes a acceder cos seus compañeiros de catro patas aos establecementos. É o que quere poñer de manifesto a ONCE con motivo do Día Internacional do Can Guía

Agricultores de Huelva reparten máis de dúas mil terrinas de amorodos en Santiago, para poñer en valor un produto de calidade, din, sometido as maiores exixencias mediombientais | Os prezos subiron en abril un 3,2% segundo o indicador adiantado do IPC publicado hoxe. A variación anual da inflación está dúas décimas por debaixo da rexistrada en marzo. A inflación suxacente, que exclúe alimentos e os productos enerxéticos baixa ata o 2,8% | E un día máis continúa a folga de profesionais da medicina contra o Estatuto Marco proposto polo Ministerio de Sanidade. Malia que a norma é estatal, os sindicatos recordan que son as comunidades autónomas as que deben aplicala | En Pontevedra, a Policía Nacional investiga a morte dun mozo de 18 anos, que a pasada noite foi rescatado do río do Gafos | A artista viguesa Menchu Lamas expón en Vilagarcía parte da obra que a converteu nunha das figuras máis relevantes da pintura contemporánea española

Agricultores de Huelva reparten máis de dúas mil terrinas de amorodos en Santiago | O IPC recorta dúas décimas a sua taxa interanual, ata situarse no 3,2 por cento en abril | As empresas eólicas denuncian o estancamento do sector en Galicia nos últimos anos | En Pontevedra, a Policía Nacional investiga a morte dun mozo de 18 anos, que a pasada noite foi rescatado do río do Gafos | | A artista viguesa Menchu Lamas expón en Vilagarcía parte da obra que a converteu nunha das figuras máis relevantes da pintura contemporánea

Xornada marcada pola inestabilidade atmosférica debido a unha dina situada o noroeste. Ceos parcialmente nubrados, con chuvascos localmente treboentos, que poden vir acompañados de sarabia, máis probables e intensos na metade sur e interior. As temperaturas sofren un moderado descenso, máis acusado nas máximas

Galicia pasou de ser a locomotora eólica de España a sufrir un "parón dramático" no seu desenvolvemento. Mentres que nas últimas dúas décadas o conxunto do país logrou duplicar a súa potencia instalada, a comunidade galega apenas medrou un 25%, unha evolución que a Asociación Eólica de Galicia (EGA) cualifica de "penosa",.

Idoia Cuesta e Soledad Penalta asinan as dúas obras que acaban de incorporarse á Illa das Esculturas, o proxecto de arte na paisaxe creado en Pontevedra hai máis dun cuarto de século

Tatiana, una moza de 33 anos de Taboada, en Lugo, depende da electricidade para vivir. Un ano despois do apagamento, tanto Tatiana como a Asociación Galega de Enfermos de ELA reclaman protocolos claros e un plan de actuación ante estas situacións.

Profesores de ensino primario e secundaria, na rúa, en Santiago. É o acto central da nova xornada de folga convocada pola CIG e STEG para reclamar a reducción de rateos de alumnos por aula e máis recursos para os centros. A Xunta atribúe a mobilización a unha estratexia política | Galicia perdeu cerca de 9.000 empregos no primeiro trimestre do ano, cunha taxa de paro que se achega ao 9 por cento. Así o indican os datos da EPA publicados hoxe. Os expertos confían nunha recuperación do mercado laboral de cara o vran | Cúmprese un ano do apagamento que deixou a toda a Península Ibérica sen luz e sen cobertura durante horas. Lembramos cómo foi a xornada na que se esgotaron as existencias de produtos como os xeradores eléctricos | A illa das Esculturas, de Pontevedra, incorpora dúas novas obras en pedra das artistas Idoia Cuesta e Soledad Penalta. Pezas que se suman ás 12 xa existentes, realizadas por referentes internacionais da arte

O profesorado, chamado á folga por sexta vez no que vai de curso para esixir melloras como a reducción do número de alumnos por aula e a duración da xornada lectiva a partir dos 55 anos | O Conselleiro Román Rodríguez afirma queas protestas da CIG só responden a unha estratexia política | Galicia perdeu cerca de 9.000 empregos no primeiro trimestre do ano, cunha taxa de paro que se achega ao 9 por cento. Así o indican os datos da EPA publicados hoxe | Hoxe cúmprese un ano do apagamento que deixou a toda a Península Ibérica sen luz e sen cobertura durante horas. O efecto máis grave en Galicia foi a morte accidental de tres membros dunha mesma familia polo suposto mal uso dun xerador eléctrico. A alta demanda destes aparellos fixo que se esgotasen |

Sexta xornada de folga convocada pola CIG neste curso para esixir melloras como a reducción do número de alumnos por aula | A Xunta atribúe a mobilización a unha estratexia política Galicia perdeu cerca de 9.000 empregos no primeiro trimestre do ano, cunha taxa de paro que se achega ao 9 por cento, segundo a EPA | Cúmprese un ano do apagamento que deixou a toda a Península Ibérica sen luz e sen cobertura durante horas | A illa das Esculturas, de Pontevedra, incorpora dúas novas obras en pedra das artistas Idoia Cuesta e Soledad Penalta

Aumenta a inestabilidade debido a presenza de aire frío en altura. Néboas en comarcas do interior e ceos con nubes medias e altas no resto. Nubes de evolución que deixarán chuvascos treboentos, máis probables pola tarde en toda a metade sur, localmente acompañados de sarabia. As temperaturas, con lixeiros aumentos, e máxima de 28 graos en Vigo

O concello de Santiago agarda que a declaración de zona residencial tensionada entre en vigor antes de xullo. Contempla como grandes propietarios os que teñan cinco ou máis vivendas, pero non afectará aos contratos de temporada, os que asinan moitos estudantes

Hai case ano e medio foi diagnosticado de glioblastoma, o tumor cerebral máis agresivo e con peor prognóstico. Esta fin de semana, Alejandro Porto completou o Camiño de Santiago en bicicleta con tres amigos para promover a investigación oncolóxica

Os médicos retoman a folga contra o estatuto Marco que elabora o Ministerio de Sanidade, cun seguimento que supera o 80 por cento nos hospitais galegos, segundo os convocantes | Xuízo en Vigo a 11 persoas acusadas de formar unha banda dedicada a construción de narcolanchas. Algunhas das embarcacións foron empregadas en alixos de haxix no sur de España. A fiscalía pide para eles entre 2 e 9 aos de prisión e multas de 80 millóns de euros | Durante os próximos tres anos o prezo do alugueiro en Santiago non poderá superar o do contrato anterior, máis actualización do IPC. E terá que axustarse ao índice oficial de referencia en vivendas que leven cinco anos baleiras | UNha exposición lembra a aventura de 5 mozos que hai máis de 40 anos descenderon en canoa os 317 quilómetros do río Miño, desde o nacemento á desembocadura. Queren chamar a atención sobre a necesidade de coidar o gran río de Galicia. 27-04-2026

Semana marcada pola inestabilidade, con ceos nubrados e chuvascos treboentos sobre todo polas tardes no interior. Moitas nubes polo norte, con algúns orballos e grandes claros polas Rías Baixas.  As temperaturas altas para a época con máximas que superarán os 25 graos. 27-04-2026

Os médicos retoman a folga contra o estatuto Marco, cun seguimento que supera o 80 por cento nos hospitais galegos | Xornada de folga no comercio téxtil e do calzado para rexeitar o convenio, de alcance estatal | Xuízo en Vigo a 11 acusados de formar unha banda dedicada a construción de narcolanchas | O Concello de Santiago prohibirá subidas nos prezos do alugueiro por riba da actualización do IPC nos próximos tres anos | UNha exposición lembra a aventura de 5 mozos que hai máis de 40 anos descenderon en canoa o río Miño, desde o nacemento á desembocadura. 27-04-2026