Telexornal-Galicia

Unións Agrarias estima que a metade do cereal de inverno sementado na Limia está afectado polas últimas chuvias. 4.000 hectáreas mantéñense anegadas, das que unha cuarta parte poderían perderse se o nivel da auga non baixa pronto. // A Xunta quere renovar os centros galegos no exterior, fomentar a súa unión e lograr que funcionen tamén como plataformas comerciais para a internacionalización das nosas empresas. Así o recolle o anteproxecto de lei da galeguidade, que acaba de aprobar o consello da Xunta. // En Vilanova de Arousa a policia local informará sobre as diferencias entre os niveis de renda oficial dunha persoa e as súas propiedades e nivel de vida. O Concello pretende que narcotraficantes con ingresos legais baixos se beneficien de axudas sociais. 31/01/13

Galicia presenta a súa oferta en Fitur, un dos maiores escaparates turístico de europa, tentando darlle pulo a un dos sectores que máis está a sufrir a crise. // A Xunta quere renovar os centros galegos no exterior, fomentar a súa unión e lograr que funcionen tamén como plataformas comerciais para a internacionalización das nosas empresas. // A presidenta do Parlamento reunirase mañá cos grupos parlamentarios para concretar as normas de acceso á cámara. // O concello de Vilanova de Arousa quere impedir que narcotraficantes con ingresos legais baixos accedan a axudas sociais. // O ex eclectricista da catedral saiu onte á tarde do cárcere de Teixeiro. // Hoxe é xoves de compadres, no que os mecos preparados polas mulleres caricaturizan aos homes. 31/01/13

Galicia presenta a súa oferta en Fitur. // A Xunta quere renovar os centros galegos no exterior. // A presidenta do Parlamento reunirase mañá cos grupos parlamentarios para concretar as normas de acceso á cámara. // O concello de Vilanova de Arousa toma medidas para que os narcotraficantes accedan a axudas sociais. // Fernández Castiñeiras, en liberdade. // Xoves de compadres, anticipo do Entroido. 31/01/13

Nas primeiras horas, ceos nubrados e algunhas chuvias no Noroeste. A medida que avance a xornada, as chuvias desaparecen e iranse abrindo claros, que pola tarde serán grandes claros agás no Oeste. Vento de compoñente Sur, moderado no litoral, con momentos fortes na Coruña, e máis frouxos no interior. Temperaturas sen cambios moi significativos, con algúns ascensos no interior. 31/01/13

Dous plenos suspendidos no que vai de semana. Os portavoces municipais de Vigo deciden arestora se continúan co debate dos orzamentos do Concello, interrompido o luns e esta mañá polas protestas de traballadores de varias concesionarias. // Este veciño de Lugo está sendo xulgado na Audiencia Provincial por tentar asasinar a súa esposa ata en tres ocasións. Tamén o acusan de ameazas e maltrato habitual á súa muller, ás súas fillas e a súa sogra. O fiscal pide para el 33 anos de cárcere e a acusación particular máis de medio século. // O autor confeso do roubo do Códice Calixtino sae esta tarde do cárcere. Manuel Fernández Castiñeiras, o ex electricista da catedral de Santiago, estaba en prisión desde xullo. Tras completarse a instrución da causa, a Audiencia Provincial da Coruña autorizou a súa posta en liberdade. 30/01/13

A agresión a un cámara de televisión foi o momento máis tenso que se vivía onte ás portas dos xulgados de Ourense ao intentar recoller as impresións das primeiras testemuñas chamadas a declarar na causa aberta contra José Luis Baltar. // A Xunta e o PP ven aínda máis xustificada a decisión de Pilar Rojo de controlar o acceso de invitados aos plenos, mentres que os partidos da oposición a rexeitan. // A Garda Civil interroga ós dous detidos como presuntos responsables da agresión que sofriron o pasado domingo dúas mulleres, queimadas en plena rúa en Ames. Polo visto, hai suficientes probas que os incriminan. // Un veciño de Lugo está sendo xulgado na Audiencia Provincial por tentar asasinar a súa esposa ata en tres ocasións. // Rematada a instrución do sumario do roubo do Códice Calixtino, o xuíz que a levou a cabo publica unha novela centrada na catedral de Santiago e baseada en personaxes e situacións reais, aínda que a trama é ficticia. 30/01/13

Primeiras declaracións na causa aberta contra José Luis Baltar. // A Xunta e o PP ven aínda máis xustificada a decisión de Pilar Rojo de controlar o acceso de invitados aos pleno. // A Garda Civil interroga ós dous detidos pola agresión a dúas mulleres, queimadas na rúa. // Xulgado por tentar asasinar a súa esposa en tres ocasións. // O xuíz Vázque Taín publica unha novela centrada na catedral de Santiago e baseada en personaxes e situacións reais, aínda que a trama é ficticia. 30/01/13

Ceos moi nubrados ou cubertos con chuvias, especialmente na metade Noroeste. Vento de compoñente Sur, forte no litoral e moderado con refachos fortes, no interior. Temperaturas sen cambios significativos ou en lixeiro ascenso. 30/01/13

Plante dos deputados da oposición no Parlamento galego, en protesta pola decisión da presidenta de controlar persoalmente o acceso de invitados á cámara. Deputados de AGE e o BNG volveron despois con traballadores de Navantia e das Universidades. A presidenta suspendeu a sesión mentres os desaloxaban e cualificou de atentado estes feitos. // O direccion dun instituto de Lalín expulsou temporalmente do centro a unha rapaza de 16 anos que lideraba un grupo que acosaba a unha compañeira. A menor xa o sufría dende o curso pasado, polo que seus pais tamén o denunciaron á Garda Civil. // As chuvias persistentes deste inverno están a provocar unha masiva mortandade de ameixa e berberecho en bancos marisqueiros das rías de Arousa e Vigo. Nesta última, en Arcade, unhas 90 mariscadoras de a pé van estar no paro ata a primavera, por falta de marisco. 29/01/13

Plante dos deputados da oposición no Parlamento galego, en protesta pola decisión da presidenta, Pilar Rojo, de controlar persoalmente o acceso de invitados á cámara para evitar protestas durante as sesións. // Delegados sindicais de Navantia e a industria auxiliar protestan tras coñecer que a dirección da empresa rexeita construír o dique flotante para dotar de carga de traballo ao estaleiro público. // O presidente de Novagalicia Banco José María Castellano amósase favorable a acelerar a vía da arbitraxe para solucionar os casos de afectados por participacións preferentes que poidan acollerse a esa vía. // Catro nenas de 16 anos foron detidas pola Garda Civil por acosar e colgar fotos íntimas dunha compañeira de instituto nunha rede social. Ocorreu en Lalín. // As chuvias persistentes deste inverno están a provocar unha masiva mortandade de bivalbo nalgúns bancos marisqueiros das rías de Arousa e Vigo. 29/01/13

Plante dos deputados da oposición no Parlamento galego. // Protestas de Navantia e a industria auxiliar. // O presidente de Novagalicia Banco José María Castellano amósase favorable a acelerar a vía da arbitraxe. // Catro nenas detidas por acosar a unha compañeira de instituto. // As chuvias causan mortandade de bivalbo nalgúns bancos marisqueiros das rías de Arousa e Vigo. 29/01/13

No Oeste, predominio de ceos nubrados que poden deixar algunha chuvia débil e ocasional. No resto, ceos con intervalos nubrados pola mañá, con tendencia a apertura de máis claros a partir da tarde. Vento de compoñente Sur forte en todo o litoral alcanzando momentos moi fortes no litoral Norte e moderados con momentos fortes no resto da comunidade. As temperaturas ascenden, en especial as mínimas. 29/01/13

O Presidente da Xunta inaugurou este mediodía a Autovía entre Ourense e Celanova. Ten unha lonxitude de 18 quilómetros, está conectada coa Autovía das Rías Baixas e reduce a viaxe de 25 a 15 minutos. As obras duraron dous anos e medio e custaron máis de 120 millóns de euros. // A Garda Civil busca a un home que lle botou gasolina e prendeu lume a dúas mulleres, sobriña e tía, que resultaron con queimaduras graves. Foi en Bertamiráns, preto de Santiago, onte á noite. O suposto agresor é ex parella dunha delas, a que resultou máis afectada. // O Instituto Galego de Consumo está a facer unha campaña de control de seguridade en disfraces e máscaras, para que cando vaiamos mercar un produto deste tipo o fagamos sen riscos. Recomenda mirar con detalle a etiqueta, evitar cordóns, materiais inflamables ou que as caretas teñan buracos suficientes para respirar ben. 28/01/13

O Presidente da Xunta inaugura a Autovía entre Ourense e Celanova. Ten unha lonxitude de 18 quilómetros, está conectada coa Autovía das Rías Baixas e reduce a viaxe de 25 a 15 minutos. // A Xunta e os empresarios confían en que o desbloqueo dos trámites para construír en Galicia dous buques hotel para a petroleira mexicana Pemex, facilite agora a obtención dos avais necesarios para comezar cos traballos. // Os sindicatos de Novagalicia Banco denuncian que empresa non lles facilita información sobre o ERE previsto para máis de 2.000 empregados. // O Instituto Galego de Consumo está a facer unha campaña de control de seguridade en disfraces e máscaras. // O Celta logra apañar un punto contra a Real Sociedade. O Deportivo perdeu xusto ao final do partido fronte ao Valencia. 28/01/13

Inauguración da Autovía entre Ourense e Celanova. // A Xunta e os empresarios confían en que o desbloqueo dos para Pemex, facilite agora a obtención dos avais. // Os sindicatos de Novagalicia Banco denuncian que empresa non lles facilita información sobre o ERE. // Campaña de control de seguridade en disfraces e máscaras. // O Celta logra apañar un punto contra a Real Sociedade. O Deportivo perdeu fronte ao Valencia. 28/01/13

Bancos de néboa matinais e ceos con intervalos anubrados, con máis nubes no oeste da Comunidade, onde non se descartan chuvias ocasionais. Temperaturas mínimas en moderado descenso e máximas sen cambios significativos. Ventos do sudoeste moderados, Poden rexistrarse intervalos fortes no litoral, especialmente ao avanzar a tarde. 28/01/13

Ceos moi nubrados e chuvias, non moi intensas, pero si bastante xeneralizadas e persistentes, tendendo a remitir cara ao final da tarde. Vento de compoñente Sur pola mañá, rolando progresivamente ao Oeste durante a tarde, moderado no litoral e frouxo no interior. Temperaturas en ascenso entre lixeiro e moderado. 25/01/13)

Resposta de emerxencia, en menos de media hora, en calquera punto de Galicia. É o que busca o novo mapa de emerxencias da comunidade que contempla a creación de 25 grupos de intervención supramunicipais, que desde abril van substituír aos actuais grumires. // O presidente da Xunta confirma que Galicia non vai recorrer á axuda do Fondo de Liquidez Autonómica, tampouco neste ano, pois ten asegurada financiación para pagar aos acredores. A Xunta xa colocou os 1.024 millóns de débeda que lle autorizou o consello de ministros para blindar os pagamentos de 2013. // Un zapateiro de Padrón leva dous meses amañando de balde o calzado dos clientes que están no paro. Tiña calculado que podía facer unha reparación diaria gratis sen que se resentise o negocio, pero ao final está facendo o dobre. Espera que outros sigan o seu exemplo. (25/01/13)

Novo mapa de emerxencias de Galicia. // Galicia tampouco vai recorrer ao Fondo de Liquidez Autonómica en 2013. // O PP na Deputación de Ourense evita que se pida a dimisión dos deputados deste partido que formaron parte do derradeiro goberno do anterior presidente. // A Cruz Vermella crea unha web para axudar aos necesitados. // Previas do Celta - Real Sociedad e o Deportivo - Valencia. // Un zapateiro que amaña de balde o calzado dos parados. (25/01/13)

Resposta de emerxencia, en menos de media hora, en calquera punto de Galicia. É o que busca o novo mapa de emerxencias da comunidade. // O presidente da Xunta confirma que Galicia non vai recorrer á axuda estatal do Fondo de Liquidez Autonómica, tampouco neste ano 2013. // O PP impón a súa maioría na Deputación de Ourense para evitar que o pleno da corporación pida a dimisión dos deputados deste partido que formaron parte do derradeiro goberno do anterior presidente. // A Cruz Vermella hoxe estrea unha páxina web para axudar ás persoas que máis sofren os efectos da crise. // O Celta quere iniciar a segunda volta cunha vitoria contra a Real Sociedad. O Deportivo, plantarlle cara ao Valencia e saír o pozo da táboa. // Un zapateiro de Padrón leva dous meses amañando de balde o calzado dos clientes que están no paro. (25/01/13)