Telexornal-Galicia

O PIB, a riqueza de Galicia contraeuse durante o ano pasado o 1,2, dúas décimas menos que a do conxunto da economía española. E outro dato. A nosa comunidade rematou 2012 cun déficit do 1,19 por cento, cumprindo o obxectivo marcado polo Goberno, que era do un e medio. // Toxinas mariñas, como as que provocan as mareas vermellas, para tratar o alzheimer o algún tipo de cancro. É o resultado dunha investigación europea, na que participa a Universidade de Santiago e a Asociación de fabricantes de conservas, na que xa están interesadas as multinacionais farmacéuticas. // En liberdade con cargos o profesor de Ferrol denunciado por amordazar a unha nena e pedirlles aos alumnos que lle masaxearan os pés. Esta mañá foi detido e posto a disposición do xulgado nº 3 da cidade a raíz das denuncias presentadas na policía polos pais dos cativos de terceiro de primaria do colexio Isaac Peral de Ferrol. 28/02/13

Unhas 200.000 persoas en Galicia son vítimas de enfermidades raras. Moitas doenzas diferentes, pouco coñecidas, e que afectan cada unha a unha pequena parte da poboación. // O PIB, a riqueza de Galicia contraeuse durante o ano pasado o 1,2, dúas décimas menos que a do conxunto da economía española. // Toxinas mariñas, como as que provocan as mareas vermellas, para tratar o alzheimer o algún tipo de cancro. É o resultado dunha investigación europea. // Bieito dezaseis deixa esta tarde o seu Pontificado e pasa a ser Papa emérito. Nos lembramos á sua breve estancia en Galicia en novembro de 2010. // Primeira aparición pública de Xosé Luís Méndez Ferrín, o Presidente da Real Academia Galega, logo de presentar o pasado luns a súa demisión. 28/02/13

Unhas 200.000 persoas en Galicia son vítimas de enfermidades raras. // O PIB, a riqueza de Galicia contraeuse durante o ano pasado o 1,2. // Toxinas mariñas, como as que provocan as mareas vermellas, para tratar o alzheimer o algún tipo de cancro. // Lembramos a estancia de Bieito XVI en Galicia en 2010. // Primeira aparición pública de Xosé Luís Méndez Ferrín logo de presentar a súa demisión. 28/02/13

Ceos pouco nubrados ou alternando nubes e claros, sen descartar algunha precipitación débil e illada en puntos do Norte de Lugo. Cota de neve nos 700-800 metros. Ventos do Nordés, moderados no litoral e entre frouxos e moderados no interior. Temperaturas sen cambios importantes. 28/02/13

Os ministros de Pesca da Unión Europea acordan acabar progresivamente cos descartes, con excepcións do sete por cento. Para o sector o acordo ten cousas positivas, pero non resolve o problema. Só a flota do Gran Sol terá que traer a terra once mil toneladas anuais de peixe que non quería pescar. // É un negocio en expansión en tempos de crise, pero non todo reloce. Unha campaña de control do Instituto Galego de Consumo detectou irregularidades no 83 por cento dos establecementos de compra venda de ouro inspeccionados, que na maior parte foron correxidas posteriormente. // A Consellería de Educación aparta temporalmente do servizo e investiga a un profesor dun colexio de Ferrol, ao que denunciaron varios pais por comportamentos estraños nas aulas. Din que o profesor lles contaba historias violentas aos alumnos e lles pedía que lle fixeran masaxes nos pés. 27/02/13

Os ministros de Pesca da Unión Europea acordan acabar progresivamente cos descartes, con excepcións do sete por cento. // A Consellería de Educación aparta temporalmente do servizo e investiga a un profesor dun colexio de Ferrol, ao que denunciaron varios pais por comportamentos estraños nas aulas. // A Confederación de Empresarios de Galicia pídelle ao Ministerio de Fomento que o AVE chegue a Ourense polo trazado previsto polo goberno socialista. // Unha campaña de control do Insituto Galego de Consumo detectou irregularidades no 83 por cento dos establecementos de compra venda de ouro inspeccionados. // A camelia, protagonista dunha ruta turística na que estes días se especializa un grupo de guías galegos.Un percorrido por 12 xardins nos que loce esta flor. 27/02/13

Os ministros de Pesca da Unión Europea acordan acabar progresivamente cos descartes. // A Consellería de Educación aparta temporalmente do servizo e investiga a un profesor denunciado por varios pais. // A CEG pide a Fomento que o AVE chegue a Ourense polo trazado previsto. // Irregularidades no 83 por cento dos establecementos de compra venda de ouro inspeccionados. // A ruta da camelia. 27/02/13

Alternancia de nubes e claros con algunha precipitación illada, máis probable nas provincias de Ourense e Lugo. Cota de neve entre os 500 e os 700 metros. Ventos do Nordés, fortes no litoral e nas zonas altas e moderados no resto, con sensación térmica de frío máis intensa que nas xornadas anteriores. Temperaturas sen cambios significativos ou en ascenso lixeiro. 27/02/13

Novacaixagalicia e a Xunta recorren a resolución do FROB que deixou en cero a participación dos investidores privados e a da caixa no banco. Tamén hoxe o Fondo de reestruturación bancaria abriu o proceso para poxar o Banco gallego, que o FROB valora en menos 150 millóns de euros. // Sorpresa na cultura galega e nos propios académicos pola decisión de Xosé Luis Méndez Ferrín de renunciar á presidencia e tamén como membro numerario da Real Academia Galega. Un sector dos académicos denuncia manobras desde dentro e fóra da institución contra el. // Cada ano preséntanse en Galicia unhas 2.000 denuncias por violencia de xénero. Para tentar reducir esa cifra a Universidade de Santiago e a Fiscalía colaborarán nun estudo sobre as súas causas e incidencia a partir da análise dos expedientes xudiciais dos últimos oito anos. 26/02/13

Sorpresa na cultura galega e nos propios académicos pola decisión de Xosé Luis Méndez Ferrín de renunciar á presidencia e tamén como membro numerario da Real Academia Galega. // Continúa na Audiencia da Coruña o xuízo contra os donos dun xeriátrico de Serra de Outes acusados de estafar de xeito continuado a anciáns que tiñan na súa residencia. // A Universidade e a Xustiza únense para investigar a fondo a violencia de xénero en Galicia. A Fiscalía porá a disposición dos investigadores os expedientes deste tipo de violencia dos últimos oito anos. // Buscan aumentar o número de doazóns de órganos nos servizos de urxencias. // Un popular portal de viaxes de internet di que é un dos mellores areais do mundo, e o máis valorado de España polos seus visitantes. É a praia das Catedrais, en Ribadeo, na mariña de Lugo. // Rosendo Cid: "Mentres tanto, a lóxica do obxecto". 26/02/13

Sorpresa na cultura galega pola renuncia de Xosé Luis Méndez Ferrín. // Xuízo contra os donos dun xeriátrico de Serra de Outes. // A Universidade e a Xustiza únense para investigar a fondo a violencia de xénero en Galicia. // Buscan aumentar o número de doazóns de órganos nos servizos de urxencias. // A praia das Catedrais. // Rosendo Cid: "Mentres tanto, a lóxica do obxecto". 26/02/13

Intervalos anubrados, aínda con precipitacións dispersas e ocasionais no terzo Norte, máis frecuentes pola noite. Cota de neve por enriba dos 600-800 metros. Ventos frouxos do Norte, con intervalos moderados no litoral. Temperaturas sen cambios significativos ou en lixeiro ascenso. Xeadas xeneralizadas no interior. 26/02/13

Aurelia Rey, a octoxenaria da Coruña que ía ser desafiuzada, poderá seguir na casa na que está de aluguer desde hai 34 anos, mentres lle buscan outra vivenda. Esta madrugada, a anciá e a propietaria do piso chegaron a un acordo co que queda suspendido o desafiuzamento. // Vigo retiralle a medalla de ouro da cidade a Julio Fernández Gayoso, o ex--presidente de Caixanova. O pleno do concello votou a favor esta moción do BNG argumentando que era indigno que unha persoa que levou a ruína a milleiros de traballadores na cidade tivese tal distinción. // Ultimos trámites no Parlamento galego para aprobar os orzamentos deste ano, que son de case oito mil cincocentos millóns de euros. Os partidos da oposición critican que o grupo popular só teña aceptado sete das máis de mil enmendas que presentaron. 25/02/13

Aurelia Rey, a octoxenaria da Coruña que ía ser desafiuzada, poderá seguir na casa na que está de aluguer desde hai 34 anos, mentres lle buscan outra vivenda. Esta madrugada, a anciá e a propietaria do piso chegaron a un acordo co que queda suspendido o desafiuzamento. // No Parlamento galego volven hoxe e mañá a debatir as contas autonómicas previstas para este ano. // Vigo retíralle a medalla da cidade ao ex-presidente de Caixanova, Julio Fernández Gayoso, cos votos do BNG e do PP, e a abstención do grupo socialista. // Os alcaldes da comarca de Ferrol reúnense esta tarde para analizar a situación e o futuro de Navantia. Onte milleiros de persoas manifestáronse nesta cidade para pedir carga de traballo para os estaleiros. // A victoria do Celta ante o Granada no debut de Abel Resino coloca ó cadro vigués a dous puntos da zona de permanencia. // Tempo de xeadas. 25/02/13

Aurelia Rey, a octoxenaria da Coruña que ía ser desafiuzada, poderá seguir na casa. // No Parlamento galego volven hoxe e mañá a debatir as contas autonómicas. // Vigo retíralle a medalla da cidade ao ex-presidente de Caixanova. // Os alcaldes da comarca de Ferrol reúnense esta tarde para analizar o futuro de Navantia. // Vitoria do Celta ante o Granada no debut de Abel Resino. // Tempo de xeadas. 25/02/13

Ceos pouco anubrados ou despexados no oeste e con intervalos anubrados no resto. Posibilidade de chuvascos no litoral norte e nordés, que serán de neve a partir dos 600 metros pola maña, e dos 700 metros pola tarde. Temperaturas mínimas sen cambios, con xeadas especialmente intensas nas zonas altas. Máximas sen cambios ou en lixeiro ascenso. Ventos do norte, frouxos pola mañá e aumentando moderados pola tarde no litoral. 25/02/13

O presidente da Xunta e os conselleiros declaran en conxunto un patrimonio de 1,6 millóns de euros. Quen máis di ter é Feijóo, dono de bens por valor de 577.000 euros, un 12 por cento máis que hai dous anos. Agárdase que tamén hoxe se fagan públicas as rendas dos membros do Goberno galego. // Segue o amarre da flota do litoral en Galicia, en protesta pola escaseza de cota e o exceso de burocracia no sector pesqueiro. Este paro non se está notando nos mercados porque hai outras flotas que continúan traballando e fornecendo de peixe ás lonxas. // Zumes e batidos naturais, para previr o uso e abuso do alcol. A Unidade de drogodependencias de Vilagarcía organiza obradoiros de bebidas saudables para concienciar aos escolares sobre os riscos do alcol. Están dirixidos aos alumnos de 10 anos, porque a media do inicio do consumo, está nos 13. (22/02/13)

Intervalos nubrados e chuvascos, ocasionalmente fortes, de carácter tormentoso e con sarabia, que serán de neve por enriba dos 1.200 metros. Pola noite, a borrasca desprazarase cara ao Leste, o que favorecerá a entrada de aire moi frío do Norte que fará que a cota de neve descenda ata os 500 metros, aínda que as precipitacións serán escasas e moi localizadas no Norte e Leste da comunidade. O vento irá cambiando de dirección co paso da borrasca, sendo do Sueste a primeira hora e virando a Nordés á noite, cando soprarán moderados, con momentos fortes no litoral. Temperaturas en descenso entre lixeiro e moderado. (22/02/13)

Alerta no mar, no litoral das provincias da Coruña e Pontevedra, como anticipo a un cambio de tempo que nos vai deixar unha fin de semana moi fría. // O presidente da Xunta e os conselleiros declaran en conxunto un patrimonio de 1,6 millóns de euros. Quen máis di ter é Feijóo, dono de bens por valor de 577.000 euros. // Segundo día de amarre da flota do litoral en Galicia. Os principais motivos da protesta son a escaseza de cota e o exceso de burocracia. // Zumes e batidos naturais, para previr o uso e abuso do alcol. A Unidade de drogodependencias de Vilagarcía organiza obradoiros de bebidas saudables, para concienciar aos escolares sobre os riscos do alcol. // Xornada de estreas nos equipos galegos de Primeira. // Toda a oferta turística galega móstrase esta fin de semana na Feira Internacional de Galicia, en Silleda. (22/02/13)

Un cambio de tempo nos vai deixar unha fin de semana moi fría. // O presidente da Xunta e os conselleiros declaran en conxunto un patrimonio de 1,6 millóns de euros. // Segundo día de amarre da flota do litoral en Galicia. // Obradoiros para concienciar aos escolares sobre os riscos do alcol. // Xornada de estreas nos equipos galegos de Primeira. // Toda a oferta turística galega, en Silleda. (22/02/13)