Resumen actualidad informativa de la provincia de Ourense presentado por Marta Landeira e Carlos Cerecedo.
Suscríbete a este tema
No Parlamento, ata as dez e media os grupos políticos poden concretar en propostas de resolución as iniciativas que onte anunciaron no debate de política xeral. Último antes das eleccións autonómicas ó que o PSdeG chega sen candidato á presidencia da Xunta, pero o que elexirá este mes...pon en marcha o proceso de primarias e o ex-delegado do Goberno, José Ramón Gómez Besteiro, confirmou a súa candidatura.
A oficina técnica da seca alerta por escaseza de auga na área de Carballo e entre Arteixo e A Coruña. a ocupación media dos encoros da demarcación Galicia-costa está case no 65 por cento: en cambio, Cecebre que abastece ós municipios da área da Coruña está 20 puntos máis baixo. As chuvias anúncianse pra vindeira fin de semana
Ata entón van continuar temperaturas diurnas propias do verán. As nocturnas si son máis propias destes primeiros días do outono
O PSOE abre o proceso de primarias pra elexir ó aspirante á presidencia da Xunta e Gómez Besteiro confirma a súa candidatura. Besteiro di que se avista a posibilidade de cambio politico en Galicia no que o partido socialista ten que ser protagonista.
A Denominación de Orixe Rías Baixas pretende dobra-la súa facturación nos vindeiros sete anos. A clave para acadar ese obxectivo está en aumenta-la presenza no mercado exterior cun incremento de prezos e de calidade coa elaboración de viños de crianza.
Unións Agrarias pide ós Consellos Reguladores que aceleren os trámite para que os productores poidan cobrar a uva da última campaña. Coas certificacións correspondentes, os adegueiros aínda disporán de 30 días pra efectuar os pagamentos.
Moitos galegos atrapados na guerra no conflicto bélico en Israel. Temen un conflicto longo e o impacto do enfrontamento armado nas súas actividades económicas.
O tempo vai seguir de verán ata a vindeira fin de semana.
Os empregados de Xeal reúnense hoxe en asemblea para avaliar a súa situación logo da venda das fábricas de Cee e Dumbría ó grupo checo Energo-Pro. Reclaman a intervención da Xunta.
- Persoal da gardería Grumete de Ferrol apraza a sua folga, prevista para este luns, por ameazas de despedimento por parte da empresa
-Camariñas acolleu este domingo unha multitudinaria concentración, en favor dunha familia de Arou afectada por unha orde de derruba da súa casa
-Continúa a investigación sobre o incendio da Sala Malatesta, que obrigou a desaloxar un cento de persoas na madrugada do domingo
Finalizou a conta atrás. Nunhas horas comeza no Parlamento o debate sobre o estado da autonomía. Será o primeiro de Alfonso Rueda como presidente, e o último desta lexislatura. As propostas do PP e da oposición servirán como adianto do que escoitaremos na campaña das vindeiras eleccións autonómicas.
Comeza tamén unha semana na que haberá cinco xuízos por agresións sexuais a menores. As denuncias están a aumentar en Galicia. Avogados e asociacións indican que faltan medios e, sobre todo, prevención desde o eido educativo.
E desde hoxe poden descargar os bonos Activa Comercio da Xunta con descontos para comprar en tendas de proximidade.
Nos deportes, empate a 2 do Celta en Balaídos co Xetafe
Entrevista coa neurocientífica Sonia Villapol.
Realizada por Amparo Roca.
As denuncias por agresións sexuais, especialmente a menores, están a aumentar en Galicia. A semana que entra haberá ata cinco xuízos na nosa comunidade. Avogados e asociacións indican que faltan medios e, sobre todo, prevención desde o eido educativo.
Despois escoitaremos os datos. Todo nunha fin de semana marcada no político polo debate sobre o estado da autonomía. Non houbo moita actividade hoxe dos grupos pero si anuncios da Xunta para mellorar a atención primaria.
Isto en Galicia, pero hai cidadáns galegos que están fóra, por exemplo en Israel. Imos falar nuns minutos cunha veciña de Ames que nas últimas horas tivo que saír do país ante a situación crítica que se vive alí.
Aquí Salvamento Marítimo remolcou un pesqueiro con tres persoas a bordo tras quedarse sen máquina a tres millas ó sur de Laxe. Foi a primeira hora da mañá. Toda a tripulación está en bo estado. E en Pazos de Borbén ardeu por completo unha vivenda, por fortuna, sen feridos. Foi este mediodía, investíganse as causas.
Entrevista co compositor galardoado co Premio Nacional de música do Ministerio de Cultura pola súa obra Alén, Eduardo Soutullo.
Realizada por Rodolfo Moreda.
Conta atrás para o debate sobre o estado da autonomía. Nas últimas horas escoitamos á oposición formulando as propostas que levará o luns ó Parlamento. Un dos últimos en pronunciarse foi o socialista Luis Álvarez, que acusa ó PP de utilizar a cita coma un mitin de precampaña. Un dos temas dos que falará o PSdG é a necesidade de mellorar a atención primaria. Pero o conselleiro do ramo adianta que as melloras non pasan pola Xunta senón polo goberno central. Era a resposta de Julio García Comesaña a última protesta dos usuarios. Desenvólvese arestora no concello de Mesía onde levan 8 meses sen médico nun dos centros de saúde.
Todo nunha xornada de concienciación fronte a contaminación das praias e do mar. Voluntarios convocados por Adega realizan hoxe recollidas de lixo en medio cento de areais galegos.
E máis de 20 anos despois, España segue sen recibir os 880 millóns de euros de indemnizacións pendentes polo afundimento do Prestige fronte ás costas galegas. A xustiza británica fallou de novo a favor da aseguradora do barco.
De contado máis detalles, tamén escoitaremos unha entrevista a Eduardo Soutullo, Premio Nacional de Música 2023.
O presidente da Xunta recoñece que a cita do luns no Parlamento, no debate do Estado da Autonomía, é importante para él. Trátase da primeira vez que acode como titular do goberno galego e xa anuncia que quere falar da acción realizada desde que é presidente. Vai adicar a fin de semana a preparar ese debate que rematará o mércores.
Mentras a Xunta insta aos concellos da área de A Coruña a que axilicen a elaboración de plans de emerxencia municipal fronte a seca. O encoro de Cecebre que os fornece de auga está a algo menos do 46 por cento da súa capacidade.
A asociación española contra o cancro está a analiza-lo estado da investigación contra esta enfermidade en todo o país. E GAlicia foi unha das primeiras comunidades elexidas pra esta radiografía... O informe deixa luces e sombras. NO positivo, a investigación nesta materia é prioritaria, e o investimento multiplicouse por tres na última década. Pero falta investigacion básica, segundo o informe, e detéctase un número moi baixo de ensaios clínicos pra levar esas investigacións ata a práctica clínica
- A nosa lingua ten un impacto directo na economía de 1.440 millóns de euros
Segundo un informe elaborado polo COnsello da Cultura galega, xera ademáis 27.700 postos de traballo. Destacan os sectores cultural e da comunicación
- Avances na mesa sectorial do ensino sobre a redución do número de alumnos por aula aínda que de momento non se pechou un acordo
Non houbo entendemento en canto á baixada de horas lectivas do profesorado na terceira reunión semanal que vén de rematar en Santiago
- A Garda Civil investiga as causa do incendio que calcinou o restaurante do porto de Moaña e afectou a varias oficinas do clube deportivo.
Unha vez máis foron os bombeiros do Porriño os que tiveron que actuar porque o parque do Morrazo leva varios días pechado pola falta de efectivos
- O Colexio de Arquitectos de Galicia critica a ANULACIÓN o proceso de rehabilitación do convento de Santa Clara que estaba en marcha.
Asegura que a decisión da deputación pontevedresa está a ter repercusión internacional porque afecta a estudos de arquitectura de moito prestixio no mundo
