Segue baixando o paro. En xuño reduciuse en 5.400 persoas o número de desempregados.
É unha reducción do 4 por cento, que é máis do dobre que a media do Estado. Agora hai 129 mil persoas demandantes de emprego, cando hai un ano pasaban das 140 mil.
No Parlamento aprobouse a nova lei do litoral. Contempla a asunción por parte da Xunta das competencias de xestión do espazo marítimo terrestre.
Os datos de desemprego están en mínimos históricos. Son pouco máis de 129 mil. O mes de xuño deixa unha caída dos parados que duplica a media nacional, a terceira mellor do conxunto do estado. Porén, a melloría recae especialmente no sector servizos, o que apunta á estacionalidade, e os sindicatos apuntan a unha repunta do emprego temporal.
A alcaldesa de Santiago non participará no ritual relixioso da Ofrenda ao Apóstolo, aínda que si estará presente no resto de actos institucionais do 25 de xullo. Así llo trasladou Goretti Sanmartín ao arcebispo Francisco Prieto, co que se reuniu no Pazo de Raxoi. Nun estado laico e aconfesional, a decisión de non participar en actos litúrxicos é entendible, dixo a alcaldesa. O Concello anunciou ademais un novo acto institucional o 25 de xullo para premiar a persoas e institucións que traballen a prol da capital
Resumen actualidad informativa de la provincia de Ourense presentado por Marta Landeira e Carlos Cerecedo.
A Coruña reviveu este luns a agresión homófoba que lle custou a vida hai dous anos a Samuel Luiz. O colectivo LGTBI pide que non se baixe a garda na defensa duns dereitos que seguen vendo ameazados. O caso aínda está pendente de xuizo.
Tamén estamos pendentes do regreso dos mariñeiros que tiveron que abandonar o barco tras un incendio no gran sol. Os primeiros xa emprenderon a viaxe de volta
Xa están en terra, sans e salvos os 15 tripulantes do pesqueiro, Nuevo San Juan, que ardeu este domingo en augas do Gran Sol. Os mariñeiros están no porto irlandés de Castle-twon-bere onde prestaron declaración sobre o sucedido a fin de semana. Preveese que poidan voltar a Galicia nos vindeiros días.
Hoxe na Coruña conmemóranse os dous anos da morte de Samuel Luiz, pr mor dunha paliza recibida a máns dun grupo de persoas. Cinco delas están a espera de xuizo.
Están en terra, nun porto irlandés, sans e salvos, os 15 tripulantes do Novo San Juan, que onte sufriu un grave incendio no Gran Sol. Están en bo estado, aínda que conmocionados polo sucedido. O barco aínda se mantén a flote, pero os danos son moi importantes. Dende Burela aseguran que era un pesqueiro en bo estado, e que haberá que investigar qué sucedeu, porque os incendios no mar son excepcionais. Mentres, os traballadores, galegos, latinoamericanos e indonesios, prestan declaración antes de volver ás súas casas.
Resumen actualidad informativa de la provincia de Ourense presentado por Marta Landeira e Carlos Cerecedo.
Quedan uns días por diante pero os grupos políticos están, na práctica, de campaña electoral con actos a diario por Galicia e peticións de voto para as xerais. Quenda esta mañá para Sumar na Coruña, onde aproveitaron para anunciar que Yolanda Díaz realizará a pegada de carteis na cidade herculina. Desde Santiago Ana Pontón pide apoio para darlle voz a Galicia en Madrid; e no PP tiran da traxectoria de Núñez Feijoo na nosa comunidade.
Máis política no noso tempo de entrevista: conversaremos con José Ramón Gómez Besteiro, o exdelegado do Goberno, que encabezará a lista do PSOE ó Congreso pola provincia de Lugo nas próximas eleccións xerais.
Analizamos tamén as novas normativas para os gandeiros acerca de como facer o rexistro de vendas do leite.
A mañá deixa a evacuación dun veciño de Rois en helicóptero medicalizado tras caerlle enriba un portal de ferro. Ocorreu pasadas as once na parroquia de Augasantas. Non quedou atrapado pero, debido ó golpe, non podía moverse.
Entrevista có candidato ó Congreso dos Deputados polo Psoe de Lugo, José Ramón Gómez Besteiro.
Realizada por Xosé Manuel García.
Seguen os ecos da última sentenza contra as concesións de transporte escolar gañados por Monbús. Empresas que fixeron as denuncias advirten de que este paso cambiará o mapa do transporte en Galicia, e que Monbús acabará por ver prexudicadas os contratos tamén do transporte urbano.
Mentres nervios en Silleda coas oposicións a distintas categorías da administración autonómica. Participación dun 52 por cento dos anotados nos exames da quenda de mañá.
En Vigo, desaloxado un edificio da rúa Sanjurjo Abadía esta mañá por mor dun incendio. Trátase dun inmoble abandonado aínda que había algunhas persoas dentro. Con todo, non hai que lamentar feridos.
E reaberto ó público un dos tesouros da Mariña: o paseo do Fuciño do Porco.
No deporte, moito movemento de entradas e saídas. O Celta fai a primeira fichaxe da tempada: Carles Pérez, traspasado pola Roma, xa xogou cedido cos vigueses na última campaña. O Depor renova a súa estrutura: confirmado Imanol Idiakez como novo adestrador, Massimo Benassi como director xeral. Fichaxe ademais de Paris Adot para os branquiazuis.
No noso tempo de entrevista conversaremos coa escritora Ledicia Costas, quen esta semana recibiu unha das Medallas Castelao.
Este venres deuse o seguinte paso tralas elección municipais e a constitución dos concellos: a conformación das Deputacións provinciais. A primeira, a de Lugo, nun día no que os socialistas e o BNG asinaron un acordo para gobernar nesta e na da Coruña.
O día déixanos tamén máis sombras sobre os concursos de adxudicación de liñas de transporte por estrada a Monbús. Seguen aumentando as sentenzas xudiciais que os anulan por cuestións de legalidade
Xa son tres as sentenzas do Tribunal Superior de Xustiza que anulan concesións de rutas á compañía Monbús ou a unións de empresas dominadas por ela no transporte escolar galego. Autos xudiciais que veñen da-la razón a outras empresas de transporte de viaxeiros, que denunciaran que esta compañía copara a meirande parte dos contratos, e o 80% do transporte de viaxeiros. O BNG cre que confirman o trato de favor e a connivencia da Xunta coa empresa de Raúl López que tamén eles denunciaron públicamente en numerosas ocasións. A conselleira Ethel Vázquez inssite en que se cumpriron os procedementos legais.
Nova destacada a pouco máis dunha hora do inicio da operación saída, que moverá máis de medio millón de vehículos polas nosas estradas
- A empresa A Ostreira do Grove asegura que Costas lles obriga a retirar as piscinas ubicadas en dominio público.
O Goberno négao. Aclara que o que non admitíu foi a proposta de ampliación das piscinas porque a empresa ten dispoñible unha parcela privada ó carón.
- Nova xornada de folga dos traballadores de Vitrasa.
Reclaman a actualización do seu convenio. Hoxe manifestáronse ata o Concello onde lle reprocharon ó alcalde as súas críticas.
- Unha xuiza de ourense chama a declarar ó arquitecto que fixo o proxecto da parte do instituto no que morreu un alumno.
Faino a instancias da acusación particular que pretende aclarar se a estructura construída se corresponde co proxecto.
- Preocupación no BNG polas consecuencias que o avance da dereita pode ter na defensa da memoria histórica.
Esta mañá, ante o monumento ós fusilados no campo da Rata, na Coruña, Ana Pontón, reivindicou políticas valentes
Resumen actualidad informativa de la provincia de Ourense presentado por Marta Landeira e Carlos Cerecedo.
