Galicia

Alfonso Rueda terá que acometer a primeira remodelación do seu executivo pola saída do vicepresidente Francisco Conde, que dimitirá para ser o cabeza de lista do PP ao Congreso por Lugo.

Mentres, o xefe da asesoría xurídica da UGT en Galicia, Pedro Blanco, será o novo delegado do Goberno, unha vez marche José Ramón Gómez Besteiro para liderar tamén a lista do PSdeG en Lugo.

Son as principais novidades que nos deixan nas últimas horas os movementos políticos de cara ás eleccións xerais do 23 de xullo.

E falando de novidades, a tarde déixanos tamén a confirmación de que o PSOE non entrará no futuro goberno local de Santiago.
 

O BNG quere cambiar a lei para que poidan votar os maiores de 16 anos.

Rexistrará no Parlamento unha iniciativa para incluir na lei a celebración de polo menos dous debates entre os principais candidatos á presidencia da Xunta.

Xa está en Vigo o Ártabro, o barco que completou con éxito a localización e inspección do pecio do Villa de Pitanxo.

A empresa propietria asegura que a misión foi un éxito e que agardan que sirva pra aclara-lo sucedido.

UGT teme que a Xunta privatice a xestión do Centro de Menores Avelino Montero de Pontevedra.

É o único centro de cumprimento de medidas xudiciais de Galicia que aínda mantén a xestión directa da consellería de POlítica Social.

Reanudouse en Pontevedra o xuizo contra unha organización dedicada á introducir cocaína en veleiros.

o vilagarcián Carlos Silla, que declarou hoxe, negou calquera vinculación co alixo de tres toneladas de cocaína introducidas en Galicia en 2020.

O tempo. Pola tarde vanse repetir os chuvascos. A partir de mañá vaise ir restablecendo o dominio do anticiclón.

As novas da provincia de Ourense presentadas por Marta Landeira e Carlos Cerecedo

Resumen actualidad

Comezamos a semana coas negociacións nas diferentes vilas para formación de goberno. En Compostela, os socialistas confirman a súa inclinación por non formar parte do goberno da nacionalista Goretti Sanmartín, pese a que si apoiarán ó futuro executivo local. Mentres, en Ferrol, o alcalde en funcións xa prepara o traspaso de mando ó popular Rey Varela, con maioría absoluta.

- As enfermeiras da área sanitaria da Coruña-Cee denuncian carencias de persoal que non chega nin para cubrir os servizos mínimos.

- Profesionais da avogacía de Padrón reclaman manter as competencias en materia de violencia de xénero.

- A veciñanza de Compostela solicita reunirse coa futura alcaldesa para abordar a masificación do turismo.

- O Deportivo perde unha nova oportunidade de ascender ó fútbol profesional tras perder co Castellón na prórroga.

Aínda en portada, accidente mortal de tráfico en Carnota. Unha muller faleceu cando era trasladada ó hospital en helicóptero.

O coche no que viaxaba saíuse da estrada entre Carnota e Santa Comba por causas que se descoñecen, e bateu contra unha canalización de formigón. O condutor foi trasladado en ambulancia ó hospital de Santiago

As novas da provincia de Ourense presentadas por Marta Landeira e Carlos Cerecedo

Recén celebradas as municipais, coas xerais ás portas, os socialistas galegos xa se preparan para as autonómicas. Van celebrar primarias en setembro. Acordo adoptado no Consello nacional... na mesma xornada na que o PP celebrou un acto no Sar en Santiago pra arroupar ó candidato á presidencia do Goberno, Albertto Núñez Feijóo.
E hoxe estamos pendentes da chegada do Ártabro, o buque que filmou ó Pintanxo en Terranova.
Das estradas temos que lamentar un accidente mortal. Unha muller faleceu cando era trasladada en helicóptero ó hospital tras unha saída de vía en Carnota.
Deportes. O deportivo estará un ano mais na terceira categoría do fútbol. Quedou eliminado na promoción.
 

Ferrol será a única cidade galega na que o PP collerá o bastón de mando a partir do 17 de xuño, cando se constitúan as novas corporacións locais. Nos seguintes minutos Alejandra López fala co futuro alcalde da cidade naval, Jose Manuel Rey Varela

Aproxímase o verán e como tódolos anos comezan a evidenciarse problemas na atención sanitaria. En principio hai falta persoal nos PAC da comarca de Vigo.

Pero o peor, din desde a xunta de persoal, é que toda esa zona vai sofrir un incremento de poboación inportante nas próximas semanas coa chegada de veraneantes.

E en Celanova o máis probable é que o sábado 17 non se vaia poder constituir a corporación municipal. Está en risco por un erro na transcripcion dos resultados das eleccions municipais.

As novas da provincia de Ourense presentadas por Marta Landeira e Carlos Cerecedo

Sanitarios de toda galicia reflexionan hoxe sobre dúas cuestións de relevancia na nosa sociedade. Por un lado, en VIgo, os xeriatras alertan de que o envellecemento terá un impacto equiparable nos vindeiros anos ó do cambio climatico. Entre os retos, a soidade non desexada dese colectivo... que adoita sufrir enfermidades crónicas, que é un dos asuntos que analizan os internistas en Ourense. Unha das novas causas de incapacidade é o covid persistente, pero ó non ter diagnose posible resulta difícil darlle a resposta axeitada.

Resumen actualidad

Queda unha semana e un día pra que se constitúan as novas corporacións locais. Pero das cidades da provincia, só Ferrol ten clara a conformación do executivo municipal. A maioría absoluta do popular José Manuel Rey Varela non deixa lugar a dúbidas. Pero nin na Coruña nin en Santiago se definiu aínda o número de cores dos gobernos. As reunións das últimas horas só serviron pra ratificar que estas cidades efectivamente terán cores progresistas, gobernos de esquerdas, pero de momento non se confirma nin o tripartito en Compostela nin o bipartito na cidade herculina. Haberá novos encontros a semana que vén.

- O comité de Navantia reclama que a campaña electoral non ralentice os avances en investimentos e na negociación do convenio colectivo. Do contrario, convocarán novas mobilizacións.

- Dirección e sindicatos da empresa de telemárketing Abai poderán negociar o ERE ata o día 21. Os traballadores cren que a medida só obedece a un intento da compañía de aumentar a marxe de beneficios.

- O Tribunal Europeo de Dereitos Humanos condena a España por violar a liberdade de expresión do sindicalista Pablo Fragoso, que incitou á queima da bandeira durante unha protesta en Ferrol. Deberá devolverlle a multa que pagou e indemnizalo con seis mil euros