Comenza a conta atrás para a eclipse solar. Entre os mellores lugares para contemplalo hai algúns puntos que xa contan con seu propio atractivo turístico, especialmente nestas datas de verán. Vemos como se agarda en San Andrés de Teixido, en Cedeira.
Dende Ribadeo ata A Guarda, Galicia xa está conectada por unha ruta de máis de 1.300 quilómetros a través da costa. É o Camiño do Litoral, 52 etapas para percorrer a nosa comunidade, a que ten máis quilómetros de costa de España. Hoxe comezaron a instalarse en Soutomaior as primeiras sinais para informar das rutas.
Aprobouse nun consello de ministros presidido polo rei Xoán Carlos e celebrado na Coruña, aproveitando a primeira visita institucional a Galicia dos monarcas.
A medida beneficiou a tódolos presos condenados por delitos políticos ou de opinión excepto integrantes de grupos terroristas.
Outra excepción foi a dos membros da Unión Militar Democrática xa que non puideron reintegrarse no exército.
Os sindicatos UGT, CCOO e CIG denuncian que os salarios están conxelados dende hai ano e medio e os empresarios queren eliminar o complemento do 100% durante as baixas laborais. A patronal acusa ós sindicatos de levantar da mesa de negociación, e aseguran que están abertos ao diálogo. Patricia Liste e Carlos Purriños
Un documental recolle a historia, ritos e lendas do Pico Sacro, una singular montaña de Boqueixón de 530 metros de altitude. Un faro natural da comarca da Ulla e símbolo vivo vinculado aos camiños de Santiago.
Falta mes e medio para que comece o curso, pero a maioría dos estudantes universitarios teñen xa onde vivir. En Santiago pagan de media 300 euros por unha habitación. Moitos quéixanse de que os pisos non están en boas condicións.
A sede de Afundación en Santiago acolle ‘Compostella Expeditio’. Unha experiencia inmersiva que nos traslada ao pasado medieval da capital galega a través da realidade virtual.
Un bar en Arteixo foi denunciado por facer apoloxía do franquismo. O establecemento leva anos exhibindo lemas da ditadura e bandeiras preconstitucionais. A plataforma veciñal denunciante considera que foi a máis e que incumpre tanto o marco estatal coma galego.
Un dos protagonistas da festa trala final do Mundial foi Borja Iglesias. O compostelán convértese en campión do mundo e presume das súas orixes levando con el a bandeira de Galicia.
Darlle una segunda vida aos milleiros de bordóns que os peregrinos deixan en Santiago á súa chegada. É unha iniciativa da Federación de Amigos do Camiño para que un dos símbolos máis recoñecidos do fenómeno xacobeo poida acompañar a viaxe doutros camiñantes.
Neste día do Carme, as procesións sucédense por todas as vilas mariñeiras. Achegámonos á de Cariño, na costa da Coruña, unha das más tradicionais de Galicia, mesmo con danza propia.
Familiares de persoas asasinadas na Guerra Civil asisten á escavación nunha foxa da igrexa de Santa Marina de Beira, en Carral. Apareceron restos de catro persoas, pendentes de identificación. Buscan 18 persoas máis nos arredores da igrexa. É una cata arqueolóxica do grupo de investigación Histagra da Universidade de Santiago.
Santiago acolle unha exposición con obras do arquivo persoal da fotógrafa Isabel Steva, coñecida como Colita, que retratou a muller da España franquista cunha mirada crítica. Antifémina é considerado o primeiro libro gráfico feminista da Transición. As súas páxinas cobran vida nas paredes do Auditorio de Galicia.
Un poema de Gloria Fuertes inspirou o título dunha exposición colectiva que pode visitarse no Centro Galego de Arte Contemporánea: A idea de fondo de A illa ignorada é que todas as persoas somos illas, aínda que xuntas conformemos un arquipélago cargado de complexidade.
En temporada de incendios, grupos de veciños organizan cuadrillas de voluntarios para vixiar os montes. Din que teñen un efecto disuasorio, ademáis de permitir que se actúe rápidamente contra o lume.
O Festival do Mundo Celta de Ortigueira volve consolidarse como unha das grandes citas culturais do verán en Galicia. Celebrado de maneira case ininterrompida desde 1978, reúne na vila coruñesa milleiros de seguidores da música folk. Agárdase a asistencia de preto de 100.000 persoas.
A multinacional chinesa SAIC culmina o primeiro desembarco dun buque con 700 coches no porto de Ferrol. A operación serve para comprobar a capacidade das instalacións de cara a implantación nesa cidade da súa primera fábrica europea.
A superficie de zonas verdes nas cidades condiciona a calidade de vida. Regulan a temperatura, reducen ruídos e diminúen a contaminación, ademais de axudar ao benestar físico e mental. Un estudio realizado en varias cidades conclúe que Ourense está nos últimos postos en superficie e accesibilidade a espazos verdes mentres que Santiago é un exemplo en positivo.
O artista Carlos Pazos presenta unha nova mostra na sede da súa fundación en Oza-Cesuras. A peza estrela é unha guillotina de cinco metros feita de metal. O autor puxo na estrutura a súa ironía máis xenuína e os primeiros en observar a instalación foron os propios veciños da aldea de Trasanquelos.
Comeza a busca de piso de alugueiro para moitos universitarios e, en Santiago, un ano máis, con colas nas inmobiliarias. A maioría dos estudantes teñen como tope 300 euros por persoa e din que para conseguilo hai que madrugar.
A música como aliada nas terapias de ASPACE. A asociación, centrada na atención ás persoas con parálise cerebral, leva medio ano impartindo talleres cos que mellora substancialmente a calidade de vida dos usuarios, a nivel físico, mental e emocional.
O Deportivo recolle nunha fin de semana máis de 70 toneladas de material humanitario para enviar a Venezuela. Centos de persoas achegáronse a o estadio de Riazor con comida, auga, roupa e medicamentos, desbordando as previsións da fundación.
Da vaga de calor, ás chuvias torrenciais. Os fenómenos meteorolóxicos extremos marcan o arranque da temporada de máxima afluencia de peregrinos que chegan a Santiago polas rutas xacobeas.
