Despedimos 2023: popurrí sefardí muzikal-literario

Despedimos la anyada 2023 kon unpopurrí espesial muzikal i kon literaturas, ansí kantes diversos i kuntesikos en este último programa alegran este último día kon muncha kultura sefardí. La literatura de tradisión oral se engalana kon kuntesikos komo "El ladrón i el konsesho del Rey Shelomó", un kuntesiko sovre la saviduría del Rey Shlomó muy prezente en kuentos i relatos, i tambyén "Viaje en mar", una aventura de Matilda Coen Sarano de uno de sus livros Por el plazer de kontar. Los kantes ke eskojimos para dar fin la anyada son tradisionales "Una pastora" interpretado por Isaac Levy del CD El Kante de una vida i "Entre las huertas" ke interpreta la kantadera Kohava Levy, i unotro gran intérprete de muestro patrimonio es Ángel Carril i el kante"Eres chiquita y bonita". Kurunamos el programa kon el kante sefardí gastronómiko "Una muchacha en Selanika" en la interpretasión de Paco Díez i Raúl Olivar, dezeando muncha salud i alegría en la mueva anyada 2024 ke ya prinsipia, toda la anyada reynada kon kultura, aktualitá i múzika sefardí.