Cambio de hora esta fin de semana. Ás tres da madrugada do domingo teremos que atrasar o reloxo unha hora. Unha rutina que tenta aproveitar a luz solar e recortar o consumo enerxético. Son moitos os que a cuestionan, pero outros defenden a súa necesidade para adaptármonos mellor ás estacións e ao ritmo do sol. Eric Harlow | GettyImages
Para investigar os delitos que afectan a menores e a mulleres, como por exemplo a pornografía infantil, as agresións sexuais ou a trata, a Garda Civil ten un equipo especializado: o EMUME. A súa prioridade é sempre escoitar sen revitimizar. E para iso é fundamental a empatía.
En Vigo, xa se pode mercar marisco conxelado sen entrar nun supermercado. Abonda con pasar por un aparcadoiro e achegarse a unha máquina expendedora. Pero non é o único produto inesperado que podemos atopar a golpe de botón. Hai comida para mascotas e mesmo material de pesca.
O sector pesqueiro español critica a estratexia presentada esta semana pola Comisión Europea para o horizonte 2040. Os armadores consideran que non resolve os problemas actuais da frota e reclaman unha reforma urxente da Política Pesqueira Común. En Galicia déronse de baixa 614 barcos de pesca desde 2013.
A Illa de Arousa acaba de iniciar os trámites para adquirir un edificio intervido hai unha década a Marcial Dorado, condenado por narcotráfico. A intención do Concello é que esas 15 vivendas pasen a ser públicas para ofrecer máis oportunidades á veciñanza da localidade, que segue a perder poboación.
A Cidade da Cultura, en Santiago, acolle unha exposición con 80 pinturas e debuxos feitos por persoas con alzheimer e os seus coidadores. Son froito das clases de pintura que ofrece dende hai dous anos a asociación AGADEA.
Galicia é a segunda comunidade de España na que se rexistran máis accidentes de tráfico causados por xabarís. O ano pasado foron máis de 4.000 e no que vai de ano case tres mil. Compensar aos condutores e aos labregos polos danos nos cultivos custoulle á Xunta nos últimos dez anos vinte millóns de euros.
A Asociación Galega de Cooperativas Agroalimentarias reúne en Santiago a mulleres referentes neste sector. Cadrando coa celebración do ano internacional da agricultora, o obxectivo é dar visibiliade ao traballo das mulleres rurais e abordar os retos pendentes en igualdade e participación nos órganos de decisión.
Abre en Pontevedra unha nova edición de Edugal, a salón da educación para aclarar dúbidas e orientar aos estudantes sobre o seu futuro laboral. Cun amplo espazo dedicado á Formación Profesional, que chega este ano a un récord de matriculacións con máis de 75.000 alumnos.
RTVE.es os ofrece el primer tráiler de A nadadora (2026), un thriller dramático dirigido por Sandra Sánchez. Ambientada en los años 90 en la Costa da Morte, la historia sigue a Nico (Nuria López), una adolescente que furtivea percebes con su padre. Tras caer al mar y sufrir desmayos, empieza a tener visiones de otra joven sumergida.
El debut en la dirección de largometrajes de Sandra Sánchez está protagonizado por Nuria López, María de Dina, Lucía Veiga, Federico Pérez, Diego Anido y Melania Cruz.
Una cinta que se presentará en la Seminci de Valladolid, que comienza este viernes.
As fotografías do recoñecido premio internacional Comedy Wildlife, que reúne unha espectacular colección de imaxes da natureza, acaban de chegar a Lugo. Trátase dunha mostra na que podemos admirar escenas da vida cotiá de distintas especies animais que conectan co público a través do humor.
Alimentación local, xusta, e sostible. É a filosofía da asociación Daquidarredor. Pequenos produtores intercambian as súas receitas nunha cociña colaborativa financiada polo concello de Brión e a Deputación da Coruña. Ademais, forman a quen queira aprender a utilizar a maquinaria coa que fan masas, cremas, marmeladas e zumes.
O mosteiro de San Pedro de Rocas, no concello ourensán de Esgos, acolle o Campionato de Tapas e Petiscos de Galicia. Participan 43 cociñeiros e cociñeiras das catro provincias que teñen como reto plasmar nas súas creacións os sabores da nosa terra dun xeito creativo e innovador.
A OTAN pon o foco nunha empresa de Nigrán dedicada ao control do espazo aéreo a baixa altura. Foi seleccionada entre case catro mil proxectos internacionais para avanzar nun programa da Alianza. Un recoñecemento que lle abre agora a porta a novos mercados e contratos.
Cada ano prodúcense trinta mil paros cardíacos fóra dun hospital en España. As posibilidades de sobrevivir sen secuelas duplícanse se se inician de inmediato as manobras de reanimación, mentres chegan os servizos de emerxencia. Profesionais do Hospital de Santiago explican aos usuarios do centro de xeito práctico como realizar esta reanimación.
O cancro de mama segue a ser o tumor máis frecuente entre as mulleres. Cada ano diagnostícanse máis de 2.000 casos en Galicia. Os especialistas poñen o foco na importancia da prevención, dos controis periódicos e de coñecer os sinais que axudan a identificar a enfermidade.
Comeza a vacinación contra a gripe e a covid das persoas de máis de setenta anos nos centros de saúde. A campaña seguirá ampliándose a novos colectivos o 2 de novembro, coa vacinación das embarazadas, e a partir do día 9, cos maiores de sesenta. O obxectivo da Xunta é acadar o 75 % da cobertura entre os nosos maiores.
Sobre a saúde mental da mocidade debaten en Santiago as dezasete entidades sociais que forman parte da rede estatal de Juventud e Inclusión. A Cidade da Cultura acolle o seu foro sobre soidade non desexada. Cando a soidade non desexada se converte en crónica pode desencadear ansiedade ou depresión.
Hai tres anos, montaron na Coruña, o único equipo galego de balonmán en cadeira de rodas. Agora, cinco dos seus membros acaban de conseguir, coa Selección española, a medalla de ouro do campionato do mundo, coa que buscan patrocinadores para afrontar novos retos deportivos.
O sendeiro das Olas do río Mao, no parque natural do Xurés, na raia entre Galicia e Portugal, usábao a veciñanza para transportar en burros o centeo aos muíños de auga. Este ano compite por ser declarado o mellor sendeiro de España nun concurso da federación de deportes de montaña.
Se hai un sector no que a función das mulleres rurais é fundamental para loitar contra e despoboamento e fomentar o envellecemento activo é o dos coidados. É o caso de Julita, unha autónoma que descubriu o seu proxecto de vida xestionando unha Casa do Maior no concello ourensán de Castrelo de Miño.
No Día da Muller Rural, poñemos o foco na súa saúde. Un estudo premiado pola Sociedade Española de Médicos Xerais e de Familia, alerta de que as desigualdades de xénero, a sobrecarga de traballo e as dificultades para acceder á atención médica afectan a saúde física e mental.
A confraría de Cangas recibe o Premio Alimentos de España na categoría de Produción de Pesca e Acuicultura. O xurado valorou o esforzo da entidade, que celebra o seu 80 aniversario e conta con 175 barcos, para modernizarse e xerar valor engadido á pesca artesanal.
Galicia encabeza a suba do IPC de setembro, cun aumento interanual do 5,5 por cento. Seis décimas por riba da media nacional. O principal responsable é o encarecemento dos transportes, que se disparan máis dun 12 por cento respecto a hai un ano, polos prezos dos combustibles. O dato fai que o Goberno manteña as axudas de 20 céntimos por litro de gasolina e diésel aprobadas no paquete anticrise.
A escaseza de precipitacións pon en alerta o abastecemento de Vigo e da súa área metropolitana. O encoro de Eiras está ao 44 % da súa capacidade e o Concello advirte que Vigo ten auga garantida para só uns 50 días. O total encorado en Galicia é do 52% e, de momento, sen previsión de chuvias.
Vigo súmase ás acampadas de protesta polo dereito á vivenda. En plena alameda permanecen instaladas unhas quince tendas de campaña para protestar polos elevados prezos dos alugueiros, condicionados tamén polas vivendas de uso turístico que hai na cidade.
Comeza a vacinación infantil contra a gripe para nenos de entre seis meses e once anos. 26.500 alumnos de infantil e primaria terán a opción de inmunizarse no propio colexio. Amplíanse a 75 os centros escolares que participan neste proxecto piloto, que na pasada campaña acadou unha cobertura do 51 por cento.
