Telexornal-Galicia

Catro persoas feridas, duas delas graves, no incendio dunha vivenda no barrio de Recemil, en Ferrol. Os afectados son un bombeiro, unha muller de 24 anos, o seu fillo de tres e un veciño que estaba no piso | O Tribunal Supremo decide HOXE sobre a propiedade do Pazo de Meirás. Se pertence ao Estado, tal como ditaminaron as sentenzas do xulgado de primeira instancia e da Audiencia da Coruña ou á familia Franco| Os médicos protagonizan unha nova xornada de folga, a cuarta nesta semana. E volveron concentrarse diante de centros de saúde e hospitais para esixir ao Ministerio un estatuto propio. A Consellería de Sanidade di que se cancelaron xa máis de 25.000 procedementos | O Cebreiro volveu amencer tinguido de branco. A consecución das borrascas que levamos dende finais do ano pasado deixaron moita neve nas montañas lucenses. Iso si, esta última nevarada foi menos intensa e non afectou á circulación por estrada. 19-02-2026

Xornada de transición coas altas presións aproximándose a Galicia. Os chuvascos cos que comezou o día na metade norte van ir remitindo. As temperaturas baixan nun día no que volveu nevar na montaña de Lugo. No mar segue todo o litoral en alerta laranxa por ondas que poden chegar aos 7 metros. 19-02-2026

Catro persoas feridas nun incendio nunha vivenda en Ferrol. Entre elas un neno e un bombeiro, que teñen lesións graves. Arestora varias familias están aínda desaloxadas | Espectación polo pronunciamento do Tribunal Supremo sobre a propiedade do Pazo de Meirás| As confrarías avalían os datos nos bancos marisqueiros polo exceso de auga doce debido á sucesión de temporais das últimas semanas | Cuarta xornada da folga de médicos. A Consellería de Sanidade di que se cancelaron xa máis de 25.000 procedementos | Cita europea do Celta, esta tarde, co Paok de Salónica. 19-02-2026

Catro persoas feridas, duas delas graves, no incendio dunha vivenda no barrio de Recemil, en Ferrol. Os afectados son un bombeiro, unha muller de 24 anos, o seu fillo de tres e un veciño que estaba no piso. Foron trasladados ao Hospital. As sospeitas apuntan a que o lume puido orixinarse nunha estufa no interior da vivenda | Espectación polo pronunciamento do Tribunal Supremo sobre a propiedade do Pazo de Meirás. As asociacións pola memoria histórica reclaman unha sentenza exemplar | As confrarías avalían os datos nos bancos marisqueiros polo exceso de auga doce debido á sucesión de temporais das últimas semanas, que lles impediron sair faenar. A consellería do mar estuda decretar solicitar, como en 2023 a declaracion de zona de emerxencia de protección civil | Cita europea do Celta, esta tarde, co Paok de Salónica, o equipo heleno, que leva un ano sen perder na casa. O partido de volta, en Balaídos, a semana que vén, declarado de alto risco. 19-02-2026

O río Miño, ao seu paso pola cidade de Ourense en nivel laranxa de risco de desbordamento ao superar o cauce habitual. O Miño preocupa tamén ao seu paso por A Peroxa, na desembocadura do río Avia en Ribadavia e en Salvaterra | A Xunta súmase a outras cinco comunidades en contra da prohibición da pesca da anguía, prantexada polo Ministerio para a Transición Ecolóxica. Os informes científicos din que a poboación desta especie está a diminuír significativamente en toda Europa pola sobrepesca das crías | Estamos no Martes de Entroido, festivo en moitas localidades galegas. É o caso de Cobres, en Vilaboa, onde esta tarde se celebrará a tradicional Corrida do Galo, Madamas e Galáns volven danzar alí cos seus chamativos traxes de cores, nunha festa que perdura xeración tras xeración | Estes días é imposible saír á rúa e non cruzarse con toda clase de disfraces. Dende vaqueiros, superheroes e estrelas do pop, moitos destes traxes véndeos unha empresa galega que disfraza a media Europa. 17-02-2026

O vento húmido do suroeste segue a deixar ceos nubrados sobre todo na franxa atlántica onde son máis probables chuvias febles e intermitentes e con máis claros en puntos do interior de Lugo e Ourense. As temperaturas mínimas baixan e as máximas sen cambios significativos. Oscilarán entre os 14 graos en Lugo e os 18 en Ourense. 17-02-2026

Día grande do Entroido, con celebracións tan emblemáticas como a danza das Madamas e Galáns, en Cobres| O río Miño, ao seu paso pola cidade de Ourensen en nivel laranxa de risco de desbordamento | Rexeitada a proposta do Ministerio para a transicion ecolóxica de prohibir a pesca da anguía, á que quería declarar en perigo de extinción, ante a diminucion de poboacion desta especie | O arquivo histórico da diócese de Santiago, con documentos de máis de mil parroquias, desbordado por miles de peticións de fillos e netos de exiliados que buscan certificar a súa orixe galega. 17-02-2026

Día grande do Entroido, con celebracións tan emblemáticas como a danza das Madamas e Galáns, en Cobres. Unha xornada festiva que inclúe tradicións recuperadas nos últimos anos como a das bonitas de Sande, en Cartelle. Os peliqueiros dominan as rúas en Laza, no triángulo máxico ourensán, esta tarde, desfile en Xinzo de Limia, e tamén en moitas localidades | Segue activo o plan Inungal con algúns ríos en risco de desbordamento, cun caudal moi superior ao habitual. Entre eles o Mandeo e o Belelle na comarca de Ferrolterra. O Goberno aproba axudas por máis de 7.000 millóns de euros para os que tiveran que ser desaloxados a consecuencia das últimas borrascas | A Xunta súmase a outras cinco comunidades en contra da prohibición da pesca da anguía, prantexada polo Ministerio para a Transición Ecolóxica | O arquivo histórico da diócese de Santiago, con documentos de máis de mil parroquias, desbordado por miles de peticións de fillos e netos de exiliados que buscan certificar a súa orixe galega para conseguir a nacionalidade, a partir da lei de memoria democrática. 17-02-2026

O IPC frea a escalada en xaneiro, e descende catro décimas en Galicia, o que sitúa o índice interanual no 1´9 por cento, por debaixo da media nacional. Os productos de roupa e calzado experimentan un descenso de prezos d 2´7 por cento, mentres a vivenda e Os Alimentos sofren as maiores subidas | A Xunta eleva a máis de 7.000 as incidencias provocadas durante o último mes polos fenómenos meteorolóxicos adversos. Di que os servizos de emerxencias reforzan os plans de prevención, con cerca de 300 litros por metro cadrado recollidos, e os encoros ao 97 por cento da sua capacidade | A bordo dun barco en plena Ría, un dos programas cos que os compañeiros de Radio Nacional de España celebran en Vigo, o dia mundial da radio. Unha data para poner de relevo un medio centenario e a súa vixencia na sociedade | Multitudinaria participación en Verín no Xoves de Comadres. A cita que marca a chegada dos días centrais do entroido no triángulo máxico ourensán. Unha noite para exhibir poderío feminino con disfraces, música e moito ánimo festivo

O Xuíz da Audiencia Nacional Ismael Moreno propón xuzgar ao capitán do Villa de Pitanxo e a dous directivos da empresa armadora, pola sua presunta responsabilidade no naufraxio. Nunha resolución que acabamos de coñecer, o maxistrados atribúelles 21 delictos de homicidio dos tripulantes que perderon a vida | O IPC frea a escalada en xaneiro, e descende catro décimas en Galicia, o que sitúa o índice interanual no 1´9 por cento. Os productos de roupa e calzado experimentan un descenso de prezos mentres as maiores subas son en vivenda e alimentos | A Xunta eleva a máis de 7.000 as incidencias provocadas durante o último mes polos fenómenos meteorolóxicos adversos. Di que os servizos de emerxencias reforzan os plans de prevención, con cerca de 300 litros por metro cadrado acumulados | O Celta xoga esta fin de semana contra o Español, fóra da casa, e o Deportivo masculino viaxa tamén, a Castellón, en plena loita polos postos de ascenso. Mentres o Depor feminino recibe en Riazor ó Sevilla. Necesitan as de Fran Alonso regularidade porque goles xa os marcan

O Xuíz da Audiencia Nacional Ismael Moreno propón xuzgar ao capitán do Villa de Pitanxo e a dous directivos da empresa armadora, pola sua presunta responsabilidade no naufraxio | O IPC frea a escalada en xaneiro, e descende catro décimas en Galicia, o que sitúa o índice interanual no 1´9 por cento, por debaixo da media nacional | A Xunta eleva a máis de 7.000 as incidencias provocadas durante o último mes polos fenómenos meteorolóxicos adversos | O Celta xoga contra o Español, fóra da casa, e o Deportivo masculino viaxa tamén, a Castellón, en plena loita polos postos de ascenso

A borrasca Oriana barre Galicia con refachos que superan os 120 km por hora. Toda a costa en alerta laranxa por mar de vento e ondas de ata 7 metros. Entrada dunha masa de aire polar ártico que fará baixar as temperaturas e a cota de neve. O tempo mellora o resto da fin de semana con grandes claros o sábado á tarde

Incendio na Comisaría de Policía Nacional de Santiago. Os bombeiros teñen xa controlado o lume, que comenzou no soto e que obrigou a evacuar o edificio. A columna de fume cubríu gran parte da cidade. Non se rexistraron danos persoais | A borrasca Nils deixa unhas 800 incidencias rexistradas polos servizos de emerxencias nas últimas horas, como a caída dunha árbore sobre un vehículo, en Caldas de Reis, no que a condutora resultou ilesa | Un mes baixo os efectos da sucesión de borrascas, afecta ao estado de ánimo, especialmente as persoas máis habituadas a facer vida no exterior. Os expertos en saúde mental advirten da necesidade de manter as rutinas, evitar o sedentarismo e sobre todo non descoidar a vida social | Celebración infantil do xoves de comadres e compadres en Ourense. Escolares de distintos centros representan, con bonecos, unha regueifa ritual entre homes e mulleres

Loito no mundo da cultura polo falecemento, hoxe, en Vigo, de Xesús Alonso Montero, aos 97 anos. Unha das principais figuras na investigación da lingua e a literatura galega | Estradas cortadas debido a caída de pólas e árbores, accidentes de tráfico, acumulación de auga en rúas... O paso da borrasca Nils deixa case 800 incidencias en Galicia relacionadas coa meteoroloxía adversa, especialmente o vento que deixou refachos de máis de 135 km por hora en Vimianzo e por riba dos 130 en puntos de Pontevedra | Nils e a máis recente, pero antes chegaron Marta, Leonardo, Goretti, Kristin, Joseph e Harry. Un mes baixo a sucesión de borrascas que a moitos lles comeza a afectar ao estado de ánimo. Os psicólogos advirten que en épocas coma esta é preciso prestar un especial coidado á nosa saúde mental | A Praza Maior de Ourense volveu acoller hoxe, nunha soa xornada, a celebración escolar dos xoves de compadres e comadres. A rivalidade ancestral entre sexos represéntase mediante carreiras para estragar ou salvar os bonecos que simbolizan a homes e mulleres

Loito no mundo da cultura polo falecemento de Xesús Alonso Montero, unha das principais figuras na investigación da lingua e a literatura galega | Incendio na Comisaría de Policía Nacional de Santiago. Os bombeiros traballan teñen xa controlado o lume, que obrigou a evacuar o edificio | A borrasca Nils deixa unhas 800 incidencias, como a caída dunha árbore sobre un vehículo, en Caldas de Reis, no que a condutora resultou ilesa | Reivindicar a figura do sumiller coma unha saída profesional con futuro. Con ese reto remata hoxe en Pontevedra o campionato internacional de catadores no que participaron 18 escolas de Hostalaría de toda España e de Portugal | Celebración infantil do xoves de comadres e compadres en Ourense

Despois do paso de Nils, hoxe as borrascas danos unha pequena tregua. Será por pouco tempo porque de cara a noite entra unha nova fronte que trae chuvias intensas e persitentes no oeste e baixada de temperaturas. Con ela tamén sumaremos mañá unha nova borrasca con nome, Oriana

Volve a folga do transporte de viaxeiros por estrada na provincia da Coruña, que pasa a ser indefinida, co apoio da CIG en solitario. En Santiago hai varios autobuses cos cristais rotos | Problemas, tamén, no servizo ferroviario, coa suspensión de sete conexións en Galicia pola folga que mantén a central CGT, trala desconvocatoria por parte dos sindicatos maioritarios | A Garda Civil investiga o afundimento dun barco bateeiro no porto do Grove, cargado con máis de 12.000 litros de gasoil. Tras interrogar aos tres tripulantes, que foron rescatados ilesos, os axentes sospeitan que poderían estar implicados nunha operación de narcotráfico | A Misión Biolóxica de Galicia, cunha presenza feminina notable dende a sua creación, hai cen anos, súmase áos actos para celebrar o Día internacional da Muller e a Nena na Ciencia. Unha xornada de reivindicación de mais igualdade de xénero no ámbito científico

Santiago volve ser a cidade máis afectada pola folga dos conductores de autobús que se reactiva, ainda que, a diferenza de xornadas anteriores, hoxe sí están circulando os servizos mínimos | Nils é a oitava borrasca de alto impacto no que levamos de ano. Trae máis chuvia, vento e temporal no mar. O peor agárdase para esta noite no litoral coruñés onde se activará unha alerta vermella | No Grove a Garda Civil investiga o afundimento dun barco bateeiro no porto de Meloxo, inusualmente cargado con depósitos de combustible. O servizo de Garda Costas recuperou unha ducia de recipientes con máis de once mil litros de gasóleo | A Misión Biolóxica de Galicia, un referente no estudo científico dos cultivos, onde arredor do 55 por cento do persoal son mulleres, e onde a presencia feminina e notable dende a súa creación, hai un século. Hoxe participa na celebración do Día da Muller e a Nena na Ciencia.

Volve a folga do transporte de viaxeiros por estrada na provincia da Coruña, que pasa a ser indefinida, co apoio da CIG en solitario | Problemas, tamén, no servizo ferroviario, coa suspensión de sete conexións en Galicia pola folga que mantén a central CGT | Nils é a oitava borrasca de alto impacto no que levamos de ano. Trae máis chuvia, vento e temporal no mar | A Garda Civil investiga o afundimento dun barco bateeiro no porto do Grove, cargado con máis de 12.000 litros de gasoil | Uns setecentos gandeiros de Lugo e Ourense participan en Madrid na manifestación contra o tratado co Mercosur

A borrasca Nils mantén a toda Galicia en alerta por un novo temporal. As chuvias poden descargar ata 40 litros por metro cadrado en doce horas e serán máis intensas nas horas centrais do día. O temporal tamén mantén en alerta a todo o litoral por ondas que durante o día poden superar os 7 metros e xa de noite, mesmo os 9 na costa da Coruña onde se activará unha alerta vermella

Cancelación dalgúnhas viaxes e outras con atrasos, no servizo ferroviario, unha vez que os sindicatos CCOO, UGT e o de maquinistas Semaf desconvocaron a folga. A CGT, central maioritaria en Galicia, mantén a mobilización, por considerar insuficientes os investimentos prometidos polo Ministerio de Transportes | O conselleiro de Sanidade comprométese a unha reforma en profundidade da Atención Primaria, nun prazo de seis meses. Anuncia a creación de grupos de traballo sobre Recursos Humanos e cambios no modelo asistencial | Formar aos escolares sobre cómo actuar en caso innundación. É un programa de obradoiros da Xunta que pretende chegar a 10.000 alumnos de toda Galicia, sobre todo das 170 zonas consideradas de maior risco de sofrir desbordamentos dos ríos | Espectación polo debut na gala desta noite, de Kennet, o artista de Carballo, un dos favoritos no Benidorm FEst co seu tema "Los ojos no mienten". En xogo, o premio económico más alto da historia do certame musical

Un incendio orixinado na azotea do centro comercial As Cancelas de Santiago obriga a a desaloxar todo o complexo | CGT, Alferro e Sindicato Ferroviario continúan con folga de trens, desconvocada polos sindicatos maioritarios tralo acordo co Ministerio. Vaise restablecendo a normalidade no servizo, anque os viaxeiros volveron a encontrarse con atrasos e cancelacións | O conselleiro de Sanidade anuncia unha reforma profunda da Atención primaria nos próximos meses e situa a orixe dos problemas nese servizo no deficit de médicos, unha competencia que atribue en exclusiva ao goberno central | Aparte do temporal costeiro, as precipitacións máis intensas están previstas hoxe no interior da provincia de Pontevedra, onde a Xunta mantén activada a alerta laranxa | Espectación polo debut na gala desta noite e nesta mesma canle de TVE, de Kennet, o artista de Carballo, un dos favoritos no Benidorm FEst co seu tema "Los ojos no mienten".

Un incendio orixinado na azotea obriga a desaloxar o centro comercial As Cancelas de Santiago | Cancelacións e atrasos no servizo ferroviario, unha vez que os sindicatos maioritarios desconvocaron a folga. A CGT mantén a movilización | | O conselleiro de Sanidade comprométese a unha reforma en profundidade da Atención Primaria, nun prazo de seis meses | Aparte do temporal costeiro, as precipitacións máis intensas están previstas hoxe no interior da provincia de Pontevedra, onde a Xunta mantén activada a alerta laranxa | Formar aos escolares sobre cómo actuar en caso innundación. É un programa de obradoiros da Xunta que pretende chegar a 10.000 alumnos de toda Galicia |

Unha fronte moi activa deixa moita chuvia con aviso laranxa no interior de Pontevedra porque poden acumularse ata 80 litros en 12 horas. As temperatura suben nun día volvemos ter a alerta laranxa no litoral da Coruña e Lugo, por vento

Comenza a reparación do desprendemento na Muralla de Lugo. Un treito entre a Porta Miñá e a de Santiago, que se derrubou a consecuencia das chuvias intensas. O concello precisa que a parte caída non corresponde ao muro orixinal romano senon que foi construído hai uns cen anos | Nova xornada de incidencias no tráfico ferroviario, hoxe a causa da folga convocada polos sindicatos de maquinistas, que provocou atrasos e varias conexións canceladas na nosa comunidade | A Plataforma en Defensa da Ría de Arousa reclama á Xunta axudas económicas para paliar as perdas no sector marisqueiro que cifra nuns 60 millóns nos útimos cinco anos. Din que as borrascas das últimas semanas afectan á salinidade e aceleran a mortandade das especies | A feira do cocido é unha das citas gastrónómicas do inverno, declarada de interese turístico internacional. Lalín recibiu este domingo miles de visitantes con ganas de comer que disfrutaron ademáis do tradicional desfile nas rúas

Atrasos e viaxes canceladas, debido á folga de traballadores de Renfe, que acaba de ser desconvocada, ao chegar a un acordo os sindicatos convocantes co ministerio de Transportes | En Lugo comezan os traballos de restauración da parte interior da muralla que se derrubou a consecuencia do temporal esta fin de semana. O muro caído non era orixinal romano, senón de hai cen anos | A Garda Civil investiga quen pode ser a muller que apareceu morta no encoro de Castrelo de Miño. Polo estado de descomposición do corpo, levaba varios días na auga. Atopárona de casualidade dous veciños da zona | | O grupo folk galego Luar na lubre prepara unha viaxe a América no seu 40 aniversario. Visitarán varias cidades de Arxentina, Uruguai e Chile. A xira, na que colabora a Xunta, quere acercar a música aos emigrantes e fomentar a imaxe de Galicia no exterior