Telexornal Galicia 30-06-2026

Bandeira Negra para as obras de ampliación do porto deportivo de Baiona. O colectivo Ecoloxistas en Acción considera este emprazamento un caso de mala xestión do espazo marítimo. No seu informe anual inclúen tamén a praia das Catedrais ou a Illa Pancha | O prazo para solicitar a regularización extraordinaria de inmigrantes remata hoxe, con máis de 10.000 solicitudes en Galicia, fronte ás máis dun millón que se estiman no conxunto de España. O seu principal obxectivo, poder traballar legalmente e ter acceso á vivenda | Simular incidentes informáticos e preparar aos sistemas contra ataques reais. É o obxectivo do Laboratorio e Centro Demostrador de Ciberseguridade inaugurado pola Xunta. Tamén dará apoio ás pequenas empresas para mellorar a protección e á seguridade dixital | As últimas novidades en produtos artesanais da carne, os queixos ou os viños de Galicia, no festival de alta cociña no Pazo de Rubiáns, en Vilagarcía. Un evento que reúne a críticos, chefs e profesionais do sector para reivindicar o potencial gastronómico da comunidade. 30-06-2026