Telexornal Galicia 28-08-2026

Vai rematando agosto e tamén as vacacións de verán para moitos. Foi un mes moi satisfactorio para o sector turístico galego pola axuda do bo tempo e co extra dos visitantes que trouxo a eclipse | Hoxe o gasóleo está un 30 por cento máis caro que hai un ano e a gasolina, un 17. Os combustibles e a alimentación foron os principais responsables da suba do IPC nun 4,3 por cento, o máis alto desde hai de tres anos | O caladoiro de lura das Malvinas, no que faenaban 16 grandes buques conxeladores galegos, pecha definitivamente ata o ano que vén pola escaseza do cefalópodo. Nos últimos tres anos xa se reduciran a case a metade as capturas | Comeza en Boimorto o Festival da Luz, o festival solidario que organiza desde hai 15 anos a cantante Luz Casal. Esta vez os beneficios serán para COGAMI a coordinadora que promove a autonomía e a inclusión das persoas con discapacidade. 28-08-2026