Telexornal-Galicia - 28/08/14

O veciño de Chantada que confesou ser o autor dun disparo na cabeza a súa parella segue detido á espera de pasar a disposición xudicial nesta vila de Lugo. Hoxe a Garda Civil realizou rexistros en busca de probas incriminatorias. A muller vítima da agresión segue estable dentro da máxima gravidade no hospital de Lugo // O Producto interior bruto de Galicia medrou tres décimas nos meses de abril, maio e xuño. É o cuarto trimestre consecutivo de crecemento. Respecto ao ano pasado aumentou tamén, en medio punto, sendo o sexto trimestre no que esa evolución é positiva // A conselleira de Sanidade defende a designación do Hospital vigués do Meixoeiro para tratar os casos de ébola, se se chegan a detectar en Galicia porque conta con accesos aillados para pacientes infecciosos, zona de illamento e o seu laboratorio xa foi de referencia para a gripe A. 28/08/14