Telexornal Galicia - 28/05/15

A vacina contra a meninxite B vaise poder mercar nas farmacias logo de que o autorizara o ministerio de sanidade. Os trámites para que as familias poidan adquirila xa se iniciaron, segundo lle anunciou o Ministro ao Presidente da Xunta e podería estar xa á venda en poucos meses // Núñez Feijóo di que os resultados das pasadas eleccións municipais non son os que buscaba o Partido Popular, pese a ser a formación mais votada en Galicia. Anuncia que o Comité de Dirección que se celebra esta tarde podería adoptar as primeiras medidas coma consecuencia deses malos resultados // O Consello aprobou unha liña de axudas a entidades de iniciativa social. Son 5,2  millóns de euros e os beneficiarios poden pedir anticipos. Tamén autorizou ampliación da conserveira Jealsa Rianxeira, cun investimento de 20 millóns de euros. 28/05/15