Telexornal Galicia 27-10-2026

Cambios no equipo de Alfonso Rueda na Xunta. Ángeles Vázquez toma posesión por terceira vez, neste caso como nova conselleira de Política Social, para cubrir a marcha de Fabiola García. O seu posto na consellería de Medio Ambiente é asumido por Nicolás Vázquez, anteriormente secretario xeral de Industria | O paro aumenta en case 20.000 persoas en Galicia no terceiro trimestre do ano, segundo os datos da EPA feitos públicos hoxe. Un aumento que se produce a pesar de que tamén se contabilizan 21.300 empregos máis, debido ao incremento da poboación activa | Cerca de 700 lotes de obxectos que a familia Franco retirou do Pazo de Meirás este verán saen hoxe a poxa en Madrid. Colectivos memorialistas reclaman aclarar se algunhas pezas son patrimonio público ou proceden da etapa de Emilia Pardo Bazán | As capturas de polbo en augas británicas supoñen xa catro veces máis que as de Galicia, ao superar as 3.700 toneladas no que vai de ano. O sector detecta un descenso progresivo da especie nas rías, debido ao aumento da temperatura do mar. 27-10-2026