Telexornal Galicia 27-03-2026

Comenza a Operación saída da Semana Santa, na que encher o depósito custa ata un 26 por cento máis que hai un ano no caso do diesel, pese á baixada de impostos. A suba dos carburantes fai que o IPC de marzo se dispare ao 3´3 por cento, mentres que a inflación subxacente, sen produtos enerxéticos nin alimentos frescos, queda no 2´7 | Os traballadores dos PAC, os puntos de Atención Continuada, abren unha nova fronte de conflicto na Sanidade. Opóñense a ampliación do seu horario de apertura aos sábados pola mañá. Denuncian que a medida, adoptada para desconxestionar os centros de Saúde, supón un incremento da súa xornada laboral | O cambio de hora, na madrugada do domingo reabre o debate entre os expertos. Mellor aproveitamento das horas de luz. Pero tamén cambio obrigado nas rutinas que provoca trastornos, especialmente aos máis pequenos, para os que se recomenda unha adaptación progresiva | Antía Muíño preséntanos seu novo disco.'Anfibia por veces', un traballo no que Interpreta distintos rexistros dende o jazz ao folk e incluso se atreve coa chacarera arxentina