Telexornal-Galicia - 27/01/14

Segue na costa de Lugo a busca do veciño que desapareceu onte cando ía apañar percebes. Os medios de salvamento atoparon na zona de Rinlo este mediodía a bicicleta e prendas de roupa súas // O número de viaxeiros aloxados en establecementos hostaleiros galegos medrou, o ano pasado, case un cinco por cento. Un aumento moi superior ao da media de España. O maior incremento corresponde a visitantes extranxeiros // Os oito detidos polo secuestro dun empresario de Cambre pasaron xa a súa primeira noite en prisión. Os investigadores tratan agora de aclarar cal foi o papel de cada un no secuestro, que se prolongou durante cinco días nun cortello de Lalín. Mentres, a vítima, á que ameazaban de morte se non pagaba un rescate de 70.000 euros, recupérase na compaña da súa familia. 27/01/14