Telexornal Galicia 26-03-2026

Protesta dos representantes da CIG, na xornada de folga convocada hoxe para reclamar melloras para todo o persoal de atención primaria. Un conflito que manteñen, á marxe do acordo acadado co sindicato médico OMega que limita as axendas a 30 pacientes por día | Veráns cada vez máis longos e invernos menos fríos. No día mundial do Clima, os expertos advirten da a importancia de adaptarse aos fenómenos meteorolóxicos adversos cada vez máis frecuentes, e reclaman máis vontade por parte dos responsables políticos | O hotel Talaso de Oia, levantado hai máis de 20 anos con licenza municipal, enfróntase a unha orde xudicial de demolición por estar construido en chan non urbanizable, sen que se chegase a formalizar a recalificación do terreo. O concello intenta evitar unha indemización millonaria aos propietarios | En Ferrol xa están cos últimos preparativos da Semana Santa, declarada de interese turístico internacional, ca recollida de hábitos, limpeza e preparación de pezas ornamentais e últimos ensaios