Telexornal-Galicia - 25/02/15

A Garda Civil, coa colaboración da policía portuguesa, busca a dous homes que fuxiron nun coche con matrícula portuguesa despois de roubar un caixeiro automático en Tui. Utilizaron un potente artefacto explosivo, que só causou danos na oficina // Mariano Rajoy defendeu, no Debate sobre o Estado da Nación, os investimentos do Goberno Central en Galicia e as medidas políticas que, dixo, lle permitiron a España  empezar a sair da crise. Foi en resposta á portavoz do BNG que o acusara de dedicarse a amargarlles a vida aos cidadáns // Declara no xulgado o relixioso acusado de abusos a un discapacitado. José Quintela é un dos dous monxes franciscanos que atende habitualmente os peregrinos na igrexa do Cebreiro. O bispado de Lugo xa lle prohibiu de forma cautelar que siga nesta parroquia da montaña de Lugo ao tempo que manifesta  seu pesar e repulsa polos abusos denunciados. 25/02/15