Telexornal Galicia 24-07-2026

Na véspera do 25 de xullo, a Xunta lembra a Galicia que está fóra. Unha empresaria, unha fiscal, unha xornalista e unha odontóloga, que residen en América ou en Europa, acaban de recibir as medallas de ouro de Galicia deste ano | A empresa de moda Adolfo Domínguez cumpre 50 anos e con este motivo recibe a visita da raíña Letizia na súa fábrica de Ourense. A marca, que revolucionou o sector nos anos 80, foi a primeira española en sacar un perfume e en cotizar en bolsa | Vigo comeza os trámites para abolir a prostitución no municipio. Será o primeiro concello de Galicia en contar cunha ordenanza que lle permita actuar contra os que se benefician da explotación sexual e contra os que a demandan. Tamén busca protexer as vítimas | Comeza o festival 17 graos na Ribeira Sacra, recoñecido como o mellor festival de pequeno formato da Península. Combina a música coa gastronomía, a cultura do viño e cunha paisaxe que aspira a converterse nos próximos días en patrimonio da humanidade. 24-07-2026