Telexornal Galicia 23-07-2026

Entrega de diplomas, no Buque Escola Intermares, en Vigo, por parte do Ministro Luis Planas ao alumnado, a maioría inmigrantes, dun curso sobre artes de pesca. O obxetivo, formar novos traballadores para afrontar a falta de remuda xeracional no sector | Na Costa da Morte avanzan, coa participación do grupo de mergullo da Policía, os traballos en busca de restos do galeón Santa María de la Anunciada. Afundido a consecuencia dun temporal, formaba parte da Armada enviada a apoiar a rebelión católica en Irlanda, a finais do século XVI | Aproveitar o verán para aprender galego. é o que fan os 62 alumnos do curso 'Galego sen fronteiras'. Estranxeiros de 17 nacionalidades, e tamén españois doutras comunidades, rematan esta semana as súas clases de lingua, literatura, e cultura | A festividade do Apóstolo chega con cifras récord de peregrinación. Máis de 245.000 persoas recibiron xa a Compostela neste 2026, e todo apunta a que este ano volverá baterse a marca histórica. 23-07-2026