Telexornal-Galicia - 21/10/13

Empezan a arreciar o vento e a choiva. Irán a máis nas próximas horas, nas que as precipitacións se estenderán, ademáis, dende a costa cara o interior. O peor do temporal estase a rexistrar, nestes momentos, nas zonas costeiras e está previsto que acade a maior intensidade no interior, sobre as nove da noite // A Xunta e a Dirección Xeral de Tráfico poñen en marcha unha campaña para reducir o número de atropelos en Galicia, que é superior á media española. Vai haber charlas por tódolos concellos e repartiranse 20 mil chalecos refrectantes // Comeza a campaña anual de vacinación contra a gripe e o pneumococo. Nesta ocasión o Sergas espera lograr que se vacinen máis do 65% dos maiores de 65 anos // Os dous equipos galegos de Segunda lograron senllos empates ainda que con sabor moi distinto. O Lugo veu como lle escapaba a vitoria, no último minuto, no campo do lider, o Recreativo de Huelva, o Deportivo logrou igualar, tamén no último suspiro, pero, logo de ir pendendo, en Riazor. 21/10/13