Telexornal Galicia 20-04-2026

Comenza a tramitación das solicitudes para a regularización extraordinaria de inmigrantes, da que poderían beneficiarse unhas 10.000 persoas na nosa comunidade. A necesidade de cita previa evita colas nas oficinas de correos e da Seguridade Social | O Xuízo, na Coruña, pola presunta apropiación dun boleto de lotaría primitiva premiado con algo máis de catro millóns de euros, chega á súa fase final. O principal acusado, o loteiro Manuel Reija, declarou que se atopaba só cando atopou o boleto no mostrador da súa administración | O Partido Popular negocia unha moción de censura en Lugo para facerse coa alcaldía, 27 anos despois, grazas ao apoio da concelleira María Reigosa, que abandonou o grupo socialista para figurar como non adscrita. Socialistas e BNG critican a operación, que cualifican de corrupción política | Renfe suprime nove servizos ferroviarios no eixo atlántico pola ausencia simultánea, e sen aviso previo, di, de catro maquinistas con base en Vigo. A compañía non aclara se se trata dun conflito laboral encuberto