Telexornal Galicia 2 31-03-2026

A Policía Nacional atopa en Ceuta un narcotúnel nunha operación que permitiu desmantelar unha das maiores bandas de tráfico de hachís de toda España. Entre os detidos hai catro galegos | A Xunta únese ás organizacións agrarias para reclamar ao goberno central medidas contra a baixada do prezo que as industrias ofrecen aos produtores de leite nos contratos que deben asinar a partir de mañá | A Semana Santa chega con malos datos turísticos na capital galega, cunha ocupación prevista entre o 50 e o 70 por cento. Dende o sector, algunhas voces falan xa de crise | Nestes días de vacacións escolares, moitas familias enfróntanse ao reto de conciliar o traballo cos fillos sen colexio. Unha das opcións son as ludotecas que ofertan actividades coas que os máis pequenos aprenden xogando