Telexornal Galicia 2 - 19/08/15

O Goberno mantén  a data de 2018 como a de entrada do AVE  en Galicia dende a meseta. Unha obra na que se levan investido nos últimos tres anos 2.300 millóns de euros.     Confirmouno hoxe o Presidente do Goberno, que visitou as obras do tren de alta velocidade entre esta provincia e Zamora. 

   O Goberno tratará de impulsar un acordo entre industria, distribuidoras e gandeiros para lograr un prezo mínimo para o leite en orixe que permita a rendibilidade das granxas.  Unha medida que busca evitar o veto da lexislación europea ao establecemento dese prezo por parte da administración, tal como piden as organizacións agrarias. 

   O Deportivo impúxolle a Luisinho unha sanción de suspensión de emprego e soldo de catro días  polo seu enfrontamento co seu compañeiro Arribas, que tamén foi sancionado. E no celta, avívanse as posibilidades de que Nolito sexa traspasado ao Barcelona, logo de confirmarse a marcha de Pedro dende o clube catalán ao Chelsea inglés. (19/08/15)