Telexornal Galicia 2 19-04-2024

Desartellada unha organización dirixida desde Ourense que subministraba lanchas e motores aos narcos que operan no Estreito de Xibraltar e que as empregaban tamén para o tráfico ilegal de inmigrantes. Hai seis detidos e foron intervidas oito embarcacións e 25 motores| Cada vez é máis difícil atopar vivenda en aluguer, a pesar de que Galicia é a comunidade do estado con máis pisos baleiros. En cambio, dispáranse os pisos turísticos. En Santiago multiplicáronse por dez nos últimos cinco anos | Claudio Giráldez renova como adestrador do Celta ata 2025. O técnico porriñés, que se fixo cargo do primeiro equipo trala destitución de Rafa Benítez, sela a súa continuidade | Unha exposición diferente. As protagonistas son usuarias dunha residencia para persoas con discapacidade física de Bóveda, en Lugo. Móstranlle á cámara os seus corpos para reivindicar a beleza máis alá do canon establecido. 19-04-2024