Telexornal Galicia 2 13-03-2026

O conflicto en Oriente Medio provoca preocupación no sector agrario polo aumento dos prezos dos combustibles, os fertilizantes e outras materias primas que, din, terán que repercutir nos alimentos que chegan finalmente ao mercado | Os prezos incrementáronse en febreiro medio punto con respecto a xaneiro. O que máis subiu foron restaurantes e aloxamentos | A mellor hamburguesa de España pódese comer nun gastro bar de Ourense. O cociñeiro Martín Fernández apostou pola sinxeleza e a calidade dos produtos para aportarlle un sabor xenuino de Galicia | Primeira detención polo ataque violento a siareiros do Olympic de Lyon en Vigo | O Kiosko Alfonso da Coruña acolle a exposición eMigrantas. Recupera historias de mulleres galegas da emigración a través de arquivos, foografías e testemuñas