Telexornal Galicia 2 12-03-2026

O Tribunal Supremo confirma que o Pazo de Meirás é patrimonio do Estado. Tamén considera que os Franco deberán ser indemnizados polos gastos de mantemento | A folga indefinida de médicos de atención primaria chega ao seu noveno día, con máis de 40.000 consultas canceladas. Hoxe súmanse o resto de profesionais cunha xornada de folga convocada pola CIG | A Universidade de Santiago ten nova reitora, a primeira muller que chega a este cargo en 531 anos de historia. Rosa Crujeiras, que gañou na segunda volta, concedeu unha entrevista a RTVE no seu primeiro día tras ser elexida | Ultras do Celta increpan a seareiros do Lyon nun céntrico local de Vigo a pasada noite. A liorta rematou sen danos persoais de consideración segundo fontes policiais | A primavera que chega vai ser máis seca e cálida do habitual. É a previsión da AEMET despois dun inverno cálido e especialmente húmido, o máis chuvioso dende 1961, que nos deixa os encoros cheos