Telexornal Galicia 2 09-09-2026

Os coles e institutos galegos volveron encherse hoxe de alumnos e alumnas. Arranca o curso para case trescentos mil nenos e adolescentes, uns cinco mil menos que o ano pasado. A matrícula cae en tódalas etapas, pero mantense o número de aulas pola redución do rateo de alumnado por aula. Segue o modelo híbrido entre libro e ordenador e haberá máis profesorado de apoio | Este verán en Galicia foi o máis cálido dende que se teñen rexistros. Así o cualifica Meteogalicia que hoxe deu a coñecer o seu informe dos meses de xuño, xullo e agosto. Foi tamén un verán bastante seco, pero as últimas choivas equilibraron os rexistros | O Deportivo vén de presentar a Marc Casadó como novo xogador branquiazul. O centrocampista chega cedido polo Barcelona ata xuño de 2027 cunha opción de compra ao final da tempada. Casadó, que tamén pode xogar como lateral dereito, formouse nas categorías inferiores do conxunto azulgrana e xa conta cunha notable experiencia no fútbol de alto nivel. 09-09-2026