Telexornal-Galicia 2 - 09/02/15

A Ministra de Agricultura prometeu hoxe en Galicia un tratamento específico para as mulleres que traballan en actividades relacionadas co mar. A titular do departamento de Agricultura e Medio Ambiente, Isabel García Tejerina, acompañou ás mariscadoras nunha praia de Cambados, despois de visitar unha empresa conserveira e unha batea de produción de mexillón, na ría de Arousa // Xa están operativos os 65 km do gasoducto da Mariña en Lugo. Ademais de a 55 mil clientes particulares dará servizo a fábrica de Alcoa na que o gas sustituirá ao fueloil. O gasoducto foi inaugurado este mediodía polo presidente da Xunta e o de Gas Natural // A policía segue a investigar o caso dos sen teito presuntamente secuestrados na Coruña para cobrar as súas pensións. De momento o único detido por este suceso está en liberdade con cargos mentres xa foron liberadas tres das súas supostas vítimas. A policía non descarta máis detencións. 09/02/15