Telexornal Galicia - 17/11/15

Tensión en Lugo pola orde de derruba dunha vivenda declarada ilegal e situada ás aforas da cidade. En Ombreiro a policía forcexeou cos veciños dun chalet que tratan de impedir o paso das máquinas para executar a demolición ordeada pola axencia da legalidade urbanística e ratificada por un xulgado // O tribunal Superior de Xustiza de Galicia e a Xunta cren que falta información sobre as axudas urxentes das que poden dispor as familias que están en proceso de desafiuzamento, pese ao convenio asinado polas dúas administracións para que os afectados teñan acceso a elas // Comeza o xuízo contra a ex concelleira socialista de Ourense Aurea Soto acusada dun delito de prevaricación urbanística. Enfróntase a unha pena de 10 anos de inhabilitación por legalizar unha urbanización e un aparcadoiro privado construido en solo público. 17/11/15