Telexornal-Galicia - 13/06/14

A lei do solo obrigará aos donos de casas sen acabar a faceren obras para rematalas. Anunciouno o presidente da Xunta, que tamén destacou desa lei que as construcións deberán adaptarse ao contorno,tanto na tipoloxía, como nas formas, nos materiais e nas cores // Xa está na Coruña o radar Pegasus que permitirá controlar dende o aire a velocidade nas estradas, principalmente as vías convencionais que son as que rexistran maior siniestralidade. Este radar instalarase nun dos helicópteros da DXT en Galicia e podería estar operativo a partir da semana que vén // Cuarto día de folga na recollida do lixo en Lugo, e, nas rúas amoréanse os refugallos. O xulgado declarou axeitados os servizos mínimos establecidos polo Concello. A preocupación polas consecuencias do paro aumenta ante a gran afluencia de visitantes que se agarda na cidade pola celebración do Arde Lucus. A festa de exaltación do pasado romado da cidade da muralla. 13/06/14