Telexornal Galicia 13-07-2026

Segue activo o incendio en Ribas de Sil, cunhas 140 hectáreas queimadas, aínda que se considera fóra de perigo para os núcleos habitados, e quedou restablecida a circulación na zona. Os técnicos cren que o lume foi orixinado pola caída dalgún raio, igual que o que arrasou 220 hectáreas en Vimianzo e Laxe, xa controlado | Medios terrestres e aéreos traballan para frear o avance do lume, que se ve favorecido polas condicións meteorolóxicas. En plena temporada de máximo risco de incendios forestais, grupos de veciños organizan cuadrillas para vixiar os montes, de xeito voluntario | 18 detidos, e incautados máis de cen quilos de cocaína, trinta de haxis e dez de marihuana. É o balance da Operación Logan, levada a cabo entre Vigo e a comarca do Salnés, e na que un dos investigados resultou morto por disparo dun policía durante un rexistro na súa vivenda | A Dirección Xeral de Tráfico desprega unha campaña de verán para controlar o consumo de alcohol e drogas ao volante. Destaca que o consumo de bebidas alcohólicas é un dos principais factores de risco de accidentes, e está presente en case o 30 por cento dos sinistros con vítimas mortais. 13-07-2026