Telexornal-Galicia - 10/04/15

Os voos saen hoxe, de novo con normalidade, dos aeropostos galegos logo de que na xornada de onte e mesmo nas últimas horas, se viran afectados pola folga dos controladores franceses que provocou retrasos e cancelacións. Os pasaxeiros máis afectados foron os 150 que viaxaban a Londres dende A Coruña. Saiu esta mañá con 20 horas de atraso, logo de que os afectados tiveran que pasar a noite nun hotel, facilitado pola compañìa // Catro de cada dez conductores galegos que foron sometidos as probas para detectar drogas ó volante deron positivo. A Dirección xeral de Tráfico xa anunciou que vai incrementar este tipo de controis. Os afectados enfróntanse a multas de  mil euros e á perda de seis puntos no carnet de conducir // O Deportivo xa adestra con novo técnico. É o seu exxogador, Víctor Sánchez del Amo que se estreará no banquiño deportivista este domingo en Anoeta. O dépor está só un punto por riba do descenso e leva oito partidos consecutivos sen coñecer a vitoria. 10/04/15