Telexornal Galicia 08-05-2026

Elena Candia reúnese cos representantes dos traballadores do concello, no seu primeiro día como alcaldesa de Lugo, trala moción de censura. Os populares apelan a legalidade desa fórmula para chegar ao goberno municipal, mentres socialistas e BNG confían en que será castigada polos electores dentro dun ano | Os médicos volverán facer "peonadas" nos hospitais fóra da xornada habitual, para aliviar as listas de agarda, tralo acordo acadado entre a consellería de Sanidade e o sindicato maioritario O'Mega | Investigacións sobre a cor das hortensias, o efecto dos vapeadores ou as Cantigas de Alfonso X. Son algúns dos proxectos presentados por alumnos na feira escolar de divulgación científica que hoxe comenza en Pontevedra | Considerada a primeira orquestra folk de Galicia, nacida anos ao abeiro da escola municipal de música de Vigo, SonDeSeu celebra un cuarto de século de actividade sobre os escenarios, cun concerto especial coa participación de figuras destacadas da música galega. 08-05-2026