Telexornal-Galicia - 07/02/14

A construcción en estaleiros galegos de dous hoteis flotantes para a petroleira mexicana PEMEX deu hoxe o seu primeiro paso, co corte simbólico de chapa que se levou a cabo nas instalacións de Barreras en Vigo. Tamén en Ferrol se lle deu saída á construcción do que se vai facer en Navantia // Nunhas horas estaremos de cheo baixo os efectos dun novo temporal. A borrasca Ruth está a chegar cando aínda se reparan estragos das últimas cicloxeneses que nos barreron esta semana // Empeza a remitir a incidencia da gripe en Galicia. Os expertos consideran que xa se está superando o pico máximo rexistrado estes días atrás. A enfermidade mantén ingresados hoxe a 144 pacientes na nosa comunidade // Pescadores do cerco de toda Galicia maniféstanse en Santiago para pedir que se anulen os criterios de reparto para a captura da xarda. Queren que se faga un reparto lineal por tripulante, e non en base ao tamaño dos buques. 07/02/14