Telexornal Galicia 07-07-2026

Baiona prohibe usar auga da traída para encher piscinas, regar xardíns ou lavar coches. É o primeiro concello en adoptar medidas este verán para afrontar a posible situación de escaseza. Vigo, pola súa parte, declara a situación de prealerta por seca | O Parlamento aproba, cos votos do Partido Popular, a reforma da lei de medidas extraordinarias para provisión de postos de difícil cobertura, que pasará a incluir as prazas de urxencias do Complexo Hospitalario de Ourense | Inditex gañou no último trimestre 1.375 millóns de euros. Na reunión desta mañá na Coruña, aprobouse a incorporación do expresidente de Caixabank, José Ignacio Goirigolzarri, como novo conselleiro independente | Da celebración en Vigo, á decepción en Viana do Castelo. Así se vivíu a ambos lados da fronteira o encontro entre as seleccións de España e Portugal no Mundial de Fútbol, no que o equipo español certificou o pase a cuartos de final e no que tivo ocasión de debutar o celtista Borja Iglesias cuns minutos no tempo de desconto. 07-07-2026